تحياتى للجميع

الرفاق الاعزاء تحياتى ليكم كلكم الاسبوع دة كان اسبوع حافل فعلا من اول عيد العمال والاحتفال اللى كان فى حزب التجمع لحد الان وللاسف انا مقصر فى حق مدونتى وحق اصحابى كمان هنا وبتاخر كتير لكن بجد انا عندى امتحانات وتقريبا كدة لو عديت هتبقى معجزة فمضطر اطلع على النت قليل وانا بشكر كل الناس اللى زارت المدونة واتمنى بجد تكون عجباهم واخر اخبارى ان اخر مقالتين نشرتهم فى الحوار المتمدن واللى مش عارف دى مجلة اليكترونية يومية يسارية وبيكتب فيها اكبر واشهر مثقفين العالم العربى وسعدت جدا انهم نشروا مقالى ومع ان احتفالية العمال عجبت ناس كتير الا انى حسيت ان فى ناس كتير اضايقت وحسوا ان المدونة تقيلة شوية عليهم فانا قررت التدوينات الجاية تكون حاجة لذيذة شوية لكن عايز اقولكم ان انا حبيت المدونة اكتر من اى مجلة او جريدة تانية لانها بتسمح لاى حد يعلق على كلامك وبتقيس رد الفعل كويس اوى عند الناس وكمان بتعمل علاقة صدافة بين كل المدونين ، وانا بكتب لكم دلوقتى تم حسم انتخابات فرنسا وهيتم اعلان النتيجة فى الصحف ايومية صباح باكر واتمنى رويال تكب مرشحة الاشتراكيين وساركوزى مرشح اليمين يتخفى اى حادثة او اى بلاعة مجارى ...دى بجد مشكلة البد اللى مفيش فيها مختلين علشان نلزق فيهم اى تهم هههههههههههه

اسف على الازعاج المستمر ونواصل بعد الفاصل مع موضوع جديد ومع متابعة لانتخابات الرئاسة الفرنسية