Wednesday, March 28, 2007

فضفضة


مساء الخير ..او صباح الخير اى حاجة


انا جاى اطمن عليكم اوعى يكون فى حد نام هنا معندناش بطاطين ومش لاقين ناكل ، النهاردة عايزين نفضفض بقى زهقنا مقالات وكتابات والكلام دة وانا اسف جدا لو كنت اتاخرت عليكم (قال يعنى فى حد بيشوف المدونة غيرى ) المهم

اخباركم اية وحشتونى وطبعا فى ناس بتسال عليا (بتخيل يا اخى ) الحمد لله كويس

الاسبوع دة كان حافلبجد يمكن من اخر الحاجات اللى فية موضوع التعديلات وانا عايز اقولكم يا ما قلتلكم دى حكومة وسخة مفيش منها فايدة وانتوا تقولوا خلينا معاها يا شباب والله خربانة ...برضة تقولوا لسة شوية ..طيب اعمل لكم اية علشان تعرفة انها حكومة وسخة؟! وسؤال بقى للناس اللى راحت وقالت لاء بالجامد اوى انت عارف انت رحت علشان اية، انت رحت علشان تختار طوارىء بس ولا طوارىء ومعاة قانون ارهاب هدية !! طيب انت رايح تمعل اية بقى ؟ هتقول انا ايجابى هقولكم اتنيل هو فى فايدة ماهى هتتزور هتتزور يبقى قاطع احسن ولا هو فضى وخلاص ..سامع ناس بتلسن وبتقول محدش شافك فى المعمعة يا نجم يا بتاع اليسار يا احمر انت

هقولكم انا كنت فين بس من غير قلة ادب ..الموضوع ان طول الاسبوع دة كنت بحضر لمؤتمر القاهرة ودة حدث مهم جدا وبصراحة كان القبض عليا هيعطلنى اوى وبصراحة اكتر علشان عندى امتحانات كمان شهرين وربنا يستر فعلشان الاسباب دى انا مروحتش التحرير فهمتوا بقى !! ولا مفهمتوش مش فارقة بصراحة انا مخنوق جدا ومش طايق نفسى وحاسس اننى بعد ما اخلص هيتقبض عليا بسبب قانون الارهاب ،

النهاردة صديقى المخرج حكالى موقف عن واحدة كومبارس كانت حامل وسقطت اثناء التصوير .. والمخرجين قعدوا يشتموها ويبهدلوها طبعا بعد ما ودوها المستشفى لكن السؤال اللى لازم نسالة بغض النظر عن جهل الست دى ..اية اللى يخلى واحدة حامل تنزل تشتغل برضة؟ ببساطة علشان مش لاقية تاكل ومحتاجة كل قرش بتاخدة قد كدة الاوضاع الانسانية اللى فى مصر وتزايد معدلات الفقر بين الناس لدرجة مفزعة ومخيفة بتخلى الناس تقدم على حاجات صعبة اوى غصب عنها البعض بيسال عن اية سبب الازمة الاخلاقية والثقافية اللى عندنا هقولكم الفقر ..الفقر بينسف اى اخلاق او قيم او حتى دين عند الناس لما الناس تبقى مخيرة انها تسرق او تموت من الجوع يبقى لازم تسرق..يبقى لازم تقتل علشان تعيش كان فى مشهد بحبة اوى لعمر الشريف فى فيلم صراع فى النيل كان مضايق اوى علشان مش عارف يجيب لحبيبتة اى حاجة ..وامة سالتة :

مالك يبنى اية اللى تاعبك ؟


قالها وهو بيصرخ ورمى الكرسى فى القزاز :


الفقر


الفقر



الفقر اصبح سمة حقيقة فى كل شوارع وحوارى مصر ..الجوع ...اللى بيحاصرنا ..الاوضاع البشعة اللى حوالينا ..


انا مش عارف ان يكتب فى اية بس انا مخنوق وبفضفض معاكم ..انا بس عايز اقولكم قبل ما انام مشكلتنا الحقيقة هى الفقر الفقر الفقر ...ولازم نعرف اسبابة علشان نعرف ازاى نعالجة


واسف لو عطلتكم ....الاقى واحد يقولى اية المقال الغريب دة ...بقول بصوت عاااااااااالى .. يعم دى فضفضة

وتصبحوا على خير


4 comments:

Mostafa Maher said...

خد يا عم هنا يا بتاع اليسار با احمر انت

هو اي نعم اللي عدى عدى ... بس مقاطعه ايه ..
المقاطعة دي للي عايز يريح دماغه و فاقد الامل

كان اولى التوعية و حشد الناس افضل من الانسحاب و دا رأي

مصطفى محمود said...

المقاطعة كانت اكثر جدوى وماحدث اكد وجهة نظرنا انهم استغلوا تلك الاعداد الضعيفة المشاركة وطلعوا نسبة التاييد 75 فى المية

وطلع مبارك يقولنا ان الشعب قال كلمتة

kareem azmy said...

هاى مصطفي

اتفق معك في كل كلمة
سواء عن الفقر اللى بيقضى على الاخلاق و الدين كمان

و ايضا اتفق معك حوال حقيقة الحكومة بتاعتنا

و حلوة الصورة بتاعة الفيلم دي
اتمنى ان النهاية ف الفيلم ده تكون ف صالح المجتمع المصري الغلبان

و يا عم فضفض براحتك

كريم

مصطفى محمود said...

حبيب قلبى كريم دى حكومة ***** واحنا بقى فاضيلنها وزى ما فى طبالين للحكومة
لازم يبقى فية معارضين يفضحوها