Sunday, May 11, 2008

ازمة اتصالات ....ام ازمة مقاومة ؟


الحكومة المصرية تصور للناس ان حزب الله يشن انقلابا مسلحا على الحكومة وان هناك حرب اهلية تدور رحاها الان فى بيروت ، كل هذا لتغطى على حقيقة الموقف فى لبنان وللاسف ينحاز المثقفين المصريين لوجهة نظر الحكومة وشرعوا ينتقدون المقاومة الاسلامية فى لبنان ...لانهم يعتبرون ان حزب الله والاخوان المسلمين وحماس شىء واحدا ...والقضية واحدة وهى محاولة استيلاء هذة الجماعات على السلطة الشرعية ! او فى احسن الاحوال يصورون ما يحدث على انها فتنة سنية شيعية لاننا لدينا مثقفين وسياسيين للاسف يعانون من الاسلاموفوبيا اكثر من الامريكان انفسهم وعلى استعداد لمحاربة المقاومة لمجرد انها ترفع شعارات اسلامية !! بينما تناصر العامة فى مصر خطاب السيد حسن نصر الله ..فهو رجل لبنان القوى والشهم كما عرفوة فى حرب لبنان الاخيرة ... ويمكن ان نفهم سر تباين الموقف بين الحكومة المصرية وبين الشعب المصرى اذا سألنا من اصحاب المصلحة فى نجاح مشروع المقاومة فى المنطقة ومن اصحاب المصلحة فى تنفيذة اجندة الامبريالية العسكرية فى الشرق الاوسط ؟
ما يحدث فى لبنان ليس لة اى علاقة بالشيعة او السنة كما يقال .... وليس صراع على السلطة ..
الموضوع ببساطة ان حزب الله لدية شبكة اتصالات سلكية (خط ارضى ) خارج شبكة الاتصالات الحكومية اللبنانية ... ومنذ اسبوع اعلنت الحكومة اللبنانية ان وجود الشبكة يمثل خرقا للشرعية القانونية .... ولكن على من يتبنى وجهة النظر هذة ان يتذكر دور هذة الشبكة الغير مرضى عنها الان فى تأمين اتصالات حزب الله اثناء
مواجهتة الاخيرة مع اسرائيل ... والتى كانت من اكثر عوامل نجاح المقاومة فى الجنوب...لانة ليس هناك تكافؤ بين اسرائيل و حزب الله ولان اى اتصالات لاسلكية قد يتم كشفها بسهولة مع التقدم التكنولجى للصهاينة فالحل الامثل هو الشبكة السلكية (الارضية) ... والتى تعتبر جزء من سلاح الاشارة ... وهجوم الحكومة اللبنانية عليها ما هو الا جزء من مسلسل الهجوم على المقاومة لان الموضوع ليس موضوع كابل سلكى ... ولكنة موضوع وجود المقاومة ذاتها والتى ما ان وضعت حرب الصهاينة اوزارها حتى شرع عملاء امريكا واسرائيل يهاجمون المقاومة باشد السبل ...محاولين الحصول بالسياسة على ما عجزت اسرائيل ان تحصل علية بالحرب ! وللاسف اعلام الانظمة العربية يصور للناس ان ما يحدث هو انقلاب على السلطة وهجوم من حزب الله على الحكومة وهى صورة خاطئة .حزب الله يدافع عن نفسة وعن اجهزتة فى لبنان ، يجب ان نعلم انة اذا تنازل

حزب الله عن شبكة الاتصالات فلن تنتهى الازمة وسينتقل الموضوع لسلاح المقاومة ! وللصواريخ الخ ...ان الهدف هو ازالة وجود المقاومة ...وعلينا ان نسأل من اكبر المستفيدين من تخليع اظافر حزب الله ! ويحق لنا ان نسأل عن مستقبل لبنان فى اى مواجهة عسكرية محتملة مع اسرائيل بدون سلاح ومقاومة حزب الله ؟ .

8 comments:

حمادة زيدان said...

مصطفي
ميرسي بجد عالبوست ده لأني كنت تايه ومش عارف حاجة في الموضوع ده
تسلم ياريس
الظاهر دي أول مرة أجيلك هنا مش عارف الظاهر ده تقصير مني
عالعموم
ميرسي
وربنا مع الحق دائماً

حسن ارابيسك said...

أنا أتفقك مع في نواحي كثيرة بالتأكيد من حيث التحليل
لكن أنا أرفض فكرة نشوء دولة داخل دولة

Tamer Nabil said...

كلام جميل

وتوضيح ناجح

شوف لو زى ما قولت وراح حزب الله هتيجى دولة الصهياينة الملوثة

زى ما بعد خروج سوريا هجمت على لبنان ولولا وجود الحزب كانت لبنان الان مستعمرة يهودية

المفروض الحزب مع الحكومة يكون فى تعاون بينهم

يعنى الحزب يخش مع الجيش فى جيش واحد لهدف واحد حماية لبنان

تحياتى

مصطفى محمود said...

حمادة زيدان /

اهلا بيك ونورتنا..ياريت تزورنا على طول


ارابيسك/

مش فكرة دولة داخل الدولة ...الموضع فى لبنان معقد للغاية ... ظروف نشأئة حزب الله ودولة لبنان الضعيفة جعلتة غصب عنة ... يبقى بدول الدولة فى قطاعات كتيرة زى المستشفيات والمدارس ... انا مش ضد توحيد البلد فى حكومة وطنية قوية ..بس الوضع اللى اتكون فى لبنان من عشرات السنين مستحيل يتم تغييرة بقرارات فى غضون ساعات قليلة !! اكيد لازم الحل يبقى بالتدريج .

تامر نبيل /


شرفتنا يا تامر ... واتمنى فعلا حزب الله يتوافق مع الحكومة علشان مصحلة الشعب اللبنانى .

تحياتى

جبهة التهييس الشعبية said...

مش عارفة ليه يا درش حاسة ان الناس بتحب تعمل مش فاهمة
اه والله
يا اما انا اللي بقيت شكاكة زيادة عن اللزوم

يعني يا درش هي محتاجة نباهة يا درش
مجموعة كوندوليزا بتدعمها
ومجموعة تانية بتحارب اسرائيل
عايزة نباهة دي عشان الناس تفهم؟
وكل شوية يقولوا الوضع في لبنان معقد
انا مش شايفة اي عقد
ثم ايه دخل الاسلاميين في الموضوع هو عشان اسمه حزب الله؟
ما في التحالف معاه مسيحيين ودروز والحزب الشيوعي اللبناني كمان

تفتكر يا درش الناس مش فاهمة وللا بتستعبط؟

Anonymous said...

شيعة العراق العرب يثورون على الاحتلال الإيراني



http://www.aljazeera.net/NR/exeres/41236687-33E7-4507-883C-EF259B110165.htm

Anonymous said...

دة شيعة واحنا سنة دا فين ومصر فين
وبكدة عايزيين يدخلونا نظام ودنك منين
فى ناس تقول شيوعى وعامل نفسة شيعى
عشان خايفين طبيعى يكونوا مقاومتين
يا أسيادنا الصوص قرينا فى النصوص لو الانسان يلوص تغور الفرقتين

Anonymous said...

دة شيعة واحنا سنة دا فين ومصر فين
وبكدة عايزيين يدخلونا نظام ودنك منين
فى ناس تقول شيوعى وعامل نفسة شيعى
عشان خايفين طبيعى يكونوا مقاومتين
يا أسيادنا الصوص قرينا فى النصوص لو الانسان يلوص تغور الفرقتين