Tuesday, April 29, 2008

بسم الله

رغبة من وزارة الداخلية فى حل ازمة العيش اقامت كشك توزيع فى الجلاء لاكياس 8 ارغفة بجنية وعالسكين ! واحد يقولى واية علاقة الداخلية بالعيش امال الحكومة بتعمل اية ؟ ااقولة سؤالك ينم عن جهل بالحوال مصر المحروسة اى نعم عندنا حكومة ووزرا وكدة بس دة لزوم المنظرة قصاد الاجانب لكن بينا وبين بعض عارفين ان هى وزارة واحدة بس والباقى كمالة عدد ...الداخلية يعنى ...مثلا يقدر وزير تعليم يعين دكتور جامعة الامن غير راضى عنة ! ولا يقدر موظف حكومة يشتغل بدون تقرير امن ، اذا كان تغير خانة الديانة بايد الداخلية وفى كلام عن وجود ورقة امنية لكل طلاب الجامعة ودورها مشرف فى كل الانتخابات من اول الرئاسة الى المحليات مرورا بمجلس الشعب...يبقى صعب عليها تتدخل فى ازمة العيش! عموما العيش فعلا كويس وانا كلتة اة هو مطبوع علية النسر ومكتوب قطاع مصلحة السجون .ودة اللى طمنى على مستوى الخدمة اللى بيحصل عليها الاصدقاء والاحباء فى السجون والمعتقلات....بس شغال يعنى ........ويدوم العز يا حبيب بية . متتفضلوا معانا

5 comments:

EmY said...

طيب كويس اهو خطوة البدايه لحل الازمه
ربنا يكرم و بختم النسر كمان

تحياتي

مصطفى محمود said...

ازيك يا ايمى .. هبعتلك بجنية عيش ههههههههههه

Che_wildwing said...

ألف هنا وشفا
بس المشكلة إنهم حتى لو صدقنا إنهم حلو الأزمة
فازاي نصدق إن اللى بيجيبوه ده اسمه رغيف عيش

ملاح الفضاء said...

أقترح إن الإضراب رقم ثلاثه يكون يوم خمسه يونيو و يكون عشان أسرانا الذين ضيعوا حقوقهم و عشان تزوير الإنتخابات

و يورينا بقى هيعرف يديى الناس رشوه قبل ميعاد يوم الإضراب إزاى

مصطفى محمود said...

تشى وايلد ونج/

متدقش يا بنى ...ياما هتبطل تاكل خالص .

ملاح الفضاء /

اية ياريس هو كل شوية اضراب المهم نعرف نبنى على دة وننظم نفسنا