اقام اليوم الطلاب الاشتراكيون معرض كبير فى كلية تجارة بجامعة القاهرة للاحتجاج على موقف الحكومة المصرية المتخاذل تجاة ما يحدث فى فلسطين خاصة وان المواطنين المصرين تعرضوا للقتل اكثر من مرة برصاص قوات الاحتلال الاسرائيلة ولم تحرك الحكومة ساكنا ولم تحتج لسيادتها كما فعلت مع الفلسطينين الجوعى المحاصرين 
رجعوا التلامذ ياعم حمزة للجد تانى
اول مطلب للجماهير حرق سفارة ..وطرد سفير
الـعـــــــــا ر
بينما كان الامن المركزى يحاصر الجامعة منذ الساعة ال9 صباحا
ثم تحول المعرض الى مسيرة حاشدة ضمت مئات الطلاب وهتفوا ضد الاعتداء الاسرائيلى على غزة وضد موقف الحكومات العربية العميلة من قضية فلسطين وعلى راسهم مصر فبينما تدير اسرائيل مذبحة رهيبة فى جنوب القطاع-خان يونس- لا زالت الحكومة المصرية تضخ الغاز المصرى لاسرائيل وتمدها بالاسمنت والحديد!!
هتف الطلاب : راح هنقلها جيل ورا جيل بنعاديكى يا اسرائيل
الامن المركزى يقف امام شاشة العرض التى اقامتها الجامعة باللاف الجنيهات احتفالا بمؤية الجامعة ويبدو انها لم تستدعيهم لحماية شاشة العرض!
ويذكر ان طلاب الاخوان المسلمين قد تعرضوا للضرب والجرح من قبل قوات الامن الامركزى
اول مطلب للجماهير وقف مبارك للتطبيع
وبعد التوقف عند القبة - يا شهيد وين ما تروح دمك والله ما بيروح
اهل غزة دولا اخواتنا .....هما غلابة زى حالتنا
توجهت المظاهرة الى الباب الرئيسى وكسر الطلاب الباب وخروجوا للوقوف مع طلاب الاخوان بالخارج
جنرالات امن الدولة بالملابس المدنية يوجهون جنود الامن المركزى -خلف الصف- وترقب وشجاعة لا نراها ابدا على الحدود!
حتى بعد قتل الطفلة المصرية سماح داخل الاراضى المصرية برصاص اسرائيل... احتشد اللاف الجنود لمحاصرة الجامعة ...بينما الجنود المصريين على الحدود فى بين المعابر 750 جندى ...هل ضلوا الطريق!
احد طلاب الاخوان المسلمين تسلق مبنى كلية تجارة ليحرق العلم الاسرائيلى على ارتفاع اربع طوابق
يا مصر قومى وشدى الحيل
وانتهى اليوم بمؤتمر طلابى تحدث فية طلاب الاخوان والاشتراكيين والغد وحزب العمل
Posts
12 comments:
تقرير هائل يا كومراد... وحياتك برضه تشوف حد ينزله على مدونة الطلاب الاشتراكيين
شد حيلكم يا شباب
فعلاً 10 على 10 يارفيق
أنا بعتلك لينك لفليكر .... متأكد انه هايعجبك
مش عارفة أقول ايه؟؟؟
الله ينور
ياريت الحماس ده يبقي في كل شارع مصري و كل جامعه حتي المحافظات
بوست مميز و صور جميله
تحياتي
كومراد حسام :
ربنا يخليك ياباشا ..ادينا بنحاول نشتغل يا كبير .
مشاهد:
انا مش عارف اتعامل معاة ..بس هحاول فية ...بس انت شرفتنا والله يا اس اس
يادى النيلة :(الاسم كدة!) :
ربنا يخليك يا جميل
ايمى :
ياريت مصر كلها تتحرك يا ايمى
... بتوحشينا والله سلميلى على كوكا .
تحياتى
مجهود رائع يا مصطفى
وصور احترافية
بس قولى
مين الطالب الدماغ اللى طلع فوق قوي ده
برافو يا شباب
بجد شى رائع ويا ريت تحفظو على نشاطكم دة
تحية ثورية ليك يامصطفى ولكل الشباب اللى شاركوا معاك بجد كنت أتمنى أكون موجود معاكم بس اللى هيعوض ده اننا بنعمل الشغل ده فى جامعة أسيوط أهنيك على نجاح الفاعلية وأتمنى أننا نكون فى تواصل وأكيد هنتقابل فى مؤتمر الحملة الدولية وده إيميلى
md3fadel@yahoo.com
محمد فاضل
حقوق أسيوط
تشى وايلد وينج :
اهلا اهلا ..شرفتنا يا تشى ...
يعم بنصور على قدنا وربنا يكرم
الواد دة اخوانى بس الللى يعقدك انة طلع المبنى ونزل وهو ماسك العلم يعنى طالع بايد واحدة !!
سوشيال موفمنت:
ان شاء الله
محمد فاضل :
اهلا يا محمد ...اجدع تحية لاسيوط ولو تعرف الحسينى سلملى علية ...انا ضفتك عندى على المسنجر .
تحياتى
صور رائعة يا مصطفى و بجد مظاهرة جامدة جدااا ...عندى سؤال غالبا هايف يعنى بس عايز اعرف مين الولد اللى شعره كيرلى كدة و كان واقف على المعرض دا p:
اهلا مصطفى
نحن معكم في مناصرة قضايا الحق العادلة
ارجو ان تكون امتحاناتك جيدة يا مصطفى
تحياتي
ماشاءالله يا مصطفي انت والاولاد المصريين ازلتوا بعض المرارة الشديدة من نفوسنا بسبب تصرفات كلاب ومتواطئين حكومتنا ربنا يوفقكم ويحميكم استمروا
Post a Comment