Saturday, August 18, 2007

عندما يكون البلوجرز فى الساقية

اخيرا يا بنى ادمييين روحت ساقية الصاوى ، دة انا بقالى سنتين عايز اروحها مع اصحابى وكل شوية تحصل حاجة تفركش الليلة بس يوم الخميس اللى فات جاتلنا اخبارية ان بعض البلوجرز متورطين فى تمثليل مسرحية هناك بالتحديد البت وينكى . طبعا اتوجهت قوة بلوجرية على الفور للساقية للتحقيق فى الامر .


















المسرحية كانت بتتعرض فى قاعة الحكمة ويادوبك دخلنا متاخرين تقريبا 20 دقيقة بس بجد يا ردالة المسرحية كانت فقررررررررر مع انهم مش ممثلين محترفين اوى بس كانت مسرحية قنبلة . انا قعدت اضحك لما جالى حب الشباب .














دول مش شحاتين المولد دول فريق التمثيل
المسرحية كانت بتتكلم عن بلد فيها الخليفة والوزير بيتاصرعوا على السلطة والشعب مش لاقى ياكل طبعا الشحاتين اللى لابسين خيش هما عامة الشعب .....اظن دة واضح!
مجموعة الخيش دى كان فيهم واحد راسمالى اسمة جودة وواحد عمال يقول امثال عجيبة وواحد خايف على طول وكان فيهم واحد مدعى ...يعنى كانوا كوكتيلة كدة بيمثلوا انماط مختلفة من الشعب.
والواد جودة دة كان قتم...حتى فى التمثيل يا جدعان الراسماليين محدش بيطقهم
.










اول ظهور للبنت وينكى اهى اللى لابسة فستان احمر....اهى يا جماعة بصوا ....دى هى البنت الوحيدة اللى فى المشهد!!
على اليمين شايفين الراجل الاعمى دة دة الشيخ بتاع الشعب الراجل دة دورة مشكلة ... كل شوية اجاز بعض العلماء ورفض البعض فى اى كلام يتقالة.









وينكاية ساعة انفعال درامية .....وينكى بالفعل تالقت فى دورها فكرتنى بسيمون فى مسرحية سكة السلامة 2000 اخراج محمد صبحى لما كانت طالعة بدور سوسو.












الجماهير ابتديت تقوم اهى


























ابو فانلة دة خالد عليش الناس فى اندلس اكيد عارفينة دة اللى كان عامل الاذاعة فى البلاعة فى اذاعة حريتنا، وقفشت مين هناك بقى ؟
بصوا وراة كدة ..اللى لابس برتقانى ...هى الصورة بايظة لكن الفيديو عندى ...انة هو ...هو....ابو شنب ماسك رق وشغال طبل ..وجنبية جورجينا.
ضاربة ايشارب عجيب.
الظاهر انى مكنتش السياسى الوحيد اللى هناك


























وينكى فى مشهد اخر وهى مندمجة فى الدور

المسرحية غنوا فيها كوبليهات كتير لاحمد فؤاد نجم والشيخ امام.
هنا شقلبان، البيلى بمبم والبيلى باة، وبلياتشو لصلاح جاهين
























فريق التمثيل شايل مخرج العمل المسرحى وفرحانين بعد نجاح العرض.

قابلت هناك كريم ونحو حياة افضل

وكان فى بلوجرية تانيين بس مش شوفتهم وكان موجود بيت العز






















دى وينكى بعد العرض

!!

http://pinsywinsy.blogspot.com/



انا بردة استغربت لانى كنت اول مرة اشوفها على المسرح ...ولما كريم قالى وينكى اهى معرفتهاش.

شكرا يا وينكى على العرض الرائع دة وشكرا للناس اللى بلغتنى ..الواد كريم. والناس التانية.


المرة الجاية اوعدكم هتصل بكل الناس اللى اعرفها لانى خدت تهزيء من بلوجر كتير كانوا عايزيزن يجوا بس والله الموضوع جة بسرعة لدرجة اننا رحنا متاخرين.


المرة الجاية هعمل مغامرة فى معرض لوح سريالى .......
.......
خلاص بلاش شتيمة !!



مع السلامو عليكوا .

14 comments:

kareem azmy said...

هااااااااى

حلوة الصور
و عقبال المرة الجاية و بلاش تتاخر تاني

تحياتي
كريم عزمي

إنسان said...

أزيك يا مصطفى جميل قوى أنك أنت أول واحد تكتب عن الموضوع وجميلة قوى الصور بس كنت أتمنى تنشر الصور اللى أحنا فيها مع وينكى

تحياتى لك

ابو العربى said...

ده انت تمام قوى مش لازم نروح يعنى روح انت ووصفلنا بالتفصيل

تحياتى

-_- said...

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

مصطفى محمود said...

كريم:

المرة الجاية مفيش تاخير .. اوكى


انسان :

مشكوووووووور انسان ، الصور هبعتهالك على الميل


ضد الظلم :

خطوة عزيزة يا زميل ... والله بردة لازم تروح هتعبجك المسرحية جدا . وانا هبقى ابعتلكم قبلها بوقت كافى فى اى فعاليات فى الساقية بعد كدة .

مصطفى محمود said...

dear sharm :

thnx for your invitation . i will join to you (WUB) soon and i'm so happy for this msg .

thnx..

فى القلب said...

ده أنت بتحصرنى لتانى مره على التوالى أنى مشفتكمش
كان نفسى جدا اقابل بلوجر
عموما تغطيه رائعه
فرجتنى على المسرحيه تانى
شكرا يا مصطفى

محمد مارو said...

يا مسرحياتك يا عم طيب اعزمنا معاك و شوف هنيجى و لا لاء ؟
ع العموم اهلا بك فى مدونتى

Unknown said...

يا مصطفى يا رخم مش قلتلك لما تيجى تروح قول لى ؟؟؟

أنا معرفتش عن المسرحية دى الا يوميها بالليل و طبعا مقدرتش أروح ... بس باين عليها مسرحية جامدة فعلا

المرة الجاية ابقى قول لى يا درش

مصطفى محمود said...

نورتينا يا اوشا الحبة دول هههههههه


بدوى:


انت فيييييين ياض اية الاخبار .... اية موضوع مدونتك السرية دى !هاة!

عموما مش هسيحلك بس هقولك المرة جاية والله متقلقش بس انت تيجى .

سلام يا بدوى .

مصطفى محمود said...

مارو:

وحياتك من اول المعزومين يعمنا

Anonymous said...

انا كان نفسى احضر المسرحيه دى لولا انى للأسف كنت اليومين دول مسافر

معلش حصل خير بس يا ترى قصة المسرحيه انتهت على ايه؟

Anonymous said...

انا مش مصدقه نفسي
دا انا
ودى مسرحيتى
الكلام ده اتكتب امتى والصور دى اتعرضت امتى
بجد متشكره قوى قوى
انا مش عارفه اقولكم ايه بجد
انت رجعتلى احساس كنت فرحانه بيه قوى
دلوقتى انا

مش عارفه
مش مصدقه
ميرسي قوى

مصطفى محمود said...

انتى تؤمرى يا وينكى