اهلا يا شباب وحشتونى كتير وبعتذر للجميع على التأخير لانى مسافر الصعيد ...امبارح اول ما وصلت البلد لقيت فية ليلة لشيخ اسمة الادريسى والقرية كلها كانت هناك وكان فية منشدين كتير وحلقات ذكر وجبتلكم شوية صور تحفة .
المنشدين وهم يلقون قصائد المديح النبوى والابتهالات الدينية
الحقيقة ان جو الاحتفالات الدينية دى جميل جدا ...بس المشكلة ان فى كل قرية اكتر من5 اوليا...او العارفين بالله زى ما بيقول... وهناك القاب كتيرة ...االقطب الحسينى...وصاحب الخطوة الكرامات ...واعيان القرية هما اللى بيصرفوا على اقامة الموالد والاحتفالات دى ..ومتوسط .المصاريف حوالى 4 الاف لليلة الواحدة ..وكمان كل الجمهور الى جاى الاحتفال مهما كان عددة بيلاقى وجبات تكفى وتزيد كمان ..بس طبعا مع العدد دة مينفعش سيرفيز.....كان فى رجالة معاها شوالات عيش بتوزع علينا وكمان ناس معاها حلل فيها الاكل وكل 5 او 6 افراد بينزلهم صينية كبيرة فيها الاكل
فى انتظار وصول باقى الوجبات... وخصوصا اللحمة
شايفين الراجل دة ...معاة حلة فيها لحمة ..وطبعا مفيش اطباق بيطلع اللحمة بايدة وانت تلقف بايدك على طول
دة نصيبى هههههههههههههههه
المهم بقى فى الموضوع ان الناس مش بتاكل طفاسة ولا جوع ..لان البلد كلها شبعانة والحمد لله ..بس الناس بتحب تاكل فى المولد علشان زى ما بيقولو .
..بركة يعنى
اخر الغفراء المحترمين وطبعا لازم المولد يتأمن علشان الامن يستتب .......وبصراحة كنت فاكر ان الغفرا دول اختفوا والواحد بيشوفهم فى المسلسلات بس....لكن اول ما شوفتهم سمحول اصورهم ، الناس هنا طيبين اوى بس ممكن يقلبوا فى ثانية لو غلط فيهم ....التنشنة الوحيدة اللى حلصت لما رفضت اخد اللحمة بتاعتى ...الراجل قفش بطرقة عنيفة وقالى مفيش شكرا لازم تاكل ..وكان العقاب بقى انى كلت مرتين ورا بعض.. لحد ما جالى انتفاخ...وكفاية عليكم كدة .
كان معكم من نجع الهوادى ..مركز اسنا. مصطفى محمود
Posts
7 comments:
ايه ده ياعم
مصورتش الحشيش ليه
بيقولوا الموالد مليانة حشيش
مش معقولة كل بوست كده يكون ناقص صورة
ظبط شغلك ياعم مصطفى
دانتا بقيت بتاع الحكومة
ونظيف بنفسه بيكومنتلك على المواضيع
اييييييييه ده؟؟؟بجد بوست جااامد جداااا....هو ده بقى الإختلاااط بالجماااهير يا معلم...هههههههههههههههههههه
حلوة قوي التغطية دي ، و على مناسبة من نوع ملهوش حظ في أي إعلام .
عجبتني مواضيع مختلفة في مدونتك ، و كان نفسي أعلق على أكتر من حاجة ، لكن الجايات أكتر من الرايحات إن شاء الله ، و بالأخص عجبني اسم المدونة ، أنا كمان بحب جاهين ، لكن بحب مصر أكتر :)
تحياتي
الله بجد
انت قلت لي صورة جميلة جداً أنا بحبها ومواضيع الموالد دي أنا ماكنتش بفوتها من صغري وكنت أحب أقعد في وسطيهم أكل العيش المرحرح والعيش والفول النابت وأحب كنت أسمع المدح وقصصهم وحكاياتهم جو كان بالنسبه لي جميل
دائماً الجميل يأتي بالجميل
تشى وايلد وينج /
حشيش اية يبنى هتودينا فى داهية ..بقولك احتفال دينى تقولى حشيش !! بعدين بتاع حكومة اية يا واطى ....بس لما اشوفك .
روقى /
اهوة بنحاول نعمل اللى علينا ....ونأسس سوفيتات الفلاحين لعامة مصر .ههههههههه.
احمد كمال /
اهلا بيك ونورت المدونة ...ونتمنى نشوفك تانى .
ارابيسك /
ازيك يا ابو على فاتك شوية لحمة وفتة يرموا عضمك ..بس متزعلش نتقابل سوا فى مولد الحسين الجاى اوكية !
هو مين قال ان الموالد مفيهاش حشيش
ده انت طلعت غلبان
مش كل شوية ابن خالتك كان بيقولك هروح اجيب حاجة وجاي
كان بيروح يشرب سيجارتين ويرجعلك
وانت قاعد مبسوط بالاكل وعمال تصور ومش مركز
وبعدين ايه علاقة احتفال دينى بالحشيش
هو الحشيش حرام ولا ايه
ده دوا يابنى
مسكن
يا رفيق لو كان حرام ادينا حرقنا ولو كان حلال ادينا شربنا
(سوفيت عين شمس)
Post a Comment