Friday, June 6, 2008

خصخصة التعليم ...ومستقبل الفقراء

رغم الرفض الشعبى لسياسات الخصخصة التى تطبقها حكومة رجال الاعمال ورغم التعبير القوى عن هذا الرفض فى صورة اضرابات واعتصامات ومظاهرات ضد مشاريع الخصخصة..الا ان الحديث عن خصخصة قطاع هام كالتعليم يثير جدلا واسعا بين الناس فاكثرهم فى حيرة هل خصخصة التعليم فى صالحهم ام لا ؟ وربما ترجع تلك الحيرة الى طبيعة هذا القطاع الحيوى فالتعليم ليس خدمة مادية ، مثل السلع المدعومة او خدمات الطاقة والمياة بل هو رسالة تربوية وخدمة كل الناس فى حاجة اليها الاغنياء والفقراء على السواء ..ولكن الجميع مسؤلين واهالى وطلاب يتفقون على ان هناك ازمة فى التعليم ولكن توصيف تلك الازمة يختلف باختلاف رؤى المهتمين بالتعليم . وعادة ما يدافع المسؤليين عن مشروع خصخصة التعليم بادئين بالمشاكل الاتية ، هناك الكثير من الجامعات الحكومية لا تحصل على خدمات اساسية ، الطلاب يعانون من الزحام فى المدرجات ، مستوى التعليم متدنى للغاية ، ويختمون هذا كلة بالكلمة السحرية ...لا توجد موارد كافية للانفاق على تطوير التعليم ...وما ان يقتنع احد بتلك الكذبة حتى يسارعون بتقديم الحل ..بيع الجامعات الحكومية للمستثمرين حتى يتم تطويرها ويستلزم ذلك بالطبع تحرير اسعار الكتب الدراسية ومصاريف الجامعة وعدم الالتزام بسقف لما يدفعة الطلاب فى الجامعات. ، استاء الطلاب الاكثر فقرا من هذا المشروع فكما يبدوا انة لا مكان فى اطار هذا التعليم الراقى لهم ، فالاهالى الذين يعانون من مصاريف تصل فى المتوسط من 700 الى الف جنية بالاضافة لاسعار الكتب بالتاكيد لن يستطيع ابنائهم دخول الجامعات مرة اخرى. ونظرا للانتقاد الحاد الذى وجة محدودى الدخل لهذة الرؤية الصريحة والواضحة لخصخصة التعليم اضطر المسؤلين للتراجع عنها لفترة ، ولكن ولكن ضغط البرجوازية السياسى والاقتصادى وحماسها فى تطبيق سياسات السوق لم تسمح لهم بالتراجع لفترة طويلة. ومن ثم بدأت الحكومة فى الحديث عن مشروع جديد وهو قانون الجودة والاعتماد ..ومنطقها فى هذا المشروع كما يلى : حسنا اذا كانت خصخصة التعليم لا تناسب الفقراء فنحن لن نتخلى عنهم ولكن فقط سننشأ اقسام خاصة ومميزة داخل الجامعات فى كل كلية وستكون تلك الاقسام المميزة ملحق بها معامل متطورة ومدرجات متاحة لعدد اكبر ومناهج واساليب تعليمية ارقى ، وستكون مصاريفها مرتفعة للطلاب القادرين عليها . وكما نرى فان الحكومة لدى حلها لمشكلة التعليم لم تقدم جديدا بالنسبة للفقراء وفى الواقع لم تتخلى عن مضمون خصخصة التعليم و، ولكن طرحتة تحت مسمى مهذب لا يثير حفيظة الفقراء قانون الجودة والاعتماد . ونستطيع ان نلاحظ بسهولة ان مشروع الحكومة بنظام تعليمى على درجتين، عادى - مميز هو التعبيرالثقافى الاوضح لسياسات الخصخصة التى تنفذها الدولة فى الصناعة والزراعة وكافة المجالات الاخرى، فقد نتج عن هذة السياسات ارتفاع مستوى المعيشة وطرد الالاف من العمال والموظفين من القطاع العام مما ادى الى تكوين جيش ضخم من العاطلين عن العمل وفى القلب من هؤلاء الخريجين بالتعليم (العادى) . وبالطبع لن يصبحوا اكثر من عمالة رخيصة لرجال الاعمال ومشروعاتهم ولذا فمن الكافى ان يكونوا ملمين بالقراءة والكتابة او الحد الادنى الذى تحتاجة البرجوازية من العمال والموظفين لديها ، اما الاقسام المميزة فهى للصفوة من ابناء الاغنياء الحاصلين على التعليم المميز وقطعا لن يصبحوا شغيلة ولكن مديرين وخبراء وفى المناصب المرموقة فى المنظومة الاقتصادية . وكما نرى فالمشروع سوف ينتج عنة المزيد من تركيز السلطة الاقتصادية والسياسية للبرجوازية فى مقابل سحق العمال والموظفين الفقراء وعبيد العمل المأجور .ولن يصبح التعليم بعد الان فرصة للارتقاء بالمستوى الجتماعى لان المشروع الجديد سيكرس حكم الاقلية ونفوذها ، فابناء الفقراء رغم دخولهم الجامعة ولكن بخدمة التعليم الرديئة لن يستطيعوا منافسة خريجى الاقسام المتميزة فى سوق العمل. بالاضافة الى ازدياد نسبة التسرب من المراحل التعليمية. ، كل هذة العوامل ستساعد على وضوح الانقسام الطبقى فى المجتمع وكلما اخذت البرجوازية تستأثر بكل الحقوق الادبية والسياسية كلما انارت الوعى الشعبى بحقيقة الصراع الطبقى الدائر، نحن نعلم الان ان مشروع الدولة فى خصخصة التعليم وتطويرة لن ياتى الاعن طريق حرمان اللاف الطلاب من التعليم ، و على حساب اكثر الطبقات الاجتماعية فقرا .

-------------------------------------------------------------------------
Privatization of education and the future of the poor student



Despite the popular rejection of the privatization policies applied by the Government of businessmen, despite strong expression of this rejection in the form of strikes and protests and demonstrations against privatization projects .. but that talk about the privatization of education is an important sector extensive arguments between people more confused you privatize education in their interest or not? Perhaps the confusion was due to the nature of this vital sector education service is not material, such as subsidized goods or services, energy and water, but is a message of educational and service of all people in need rich and poor alike .. But everyone Officials and residents and students agree that there is a crisis in education, but Description varies from that crisis was felt interested in education. Typically, our responsibility to defend the draft privatization of education Badein the following problems, there are many public universities do not receive basic services, students suffer from crowds in the stands, low level of education too, and stamp all this magic word ... there are not enough resources to spend on development Education ... and be convinced that a lie even to provide quick solution .. sale of public universities for investors to be developed and, of course, requires the liberation of prices of textbooks and university fees and lack of commitment roof paid for students in universities. , Resented the poorer students from this project it seems that no place in the framework of this quality education for them, people who suffer from expenses reach an average of 700 thousand pounds in addition to the price of books certainly will not be able to enter universities of their children again. Given the sharp criticism of the low-income people to this vision explicit and clear to privatize education officials were forced to retreat for the period, but the bourgeoisie, but political pressure, economic and enthusiasm in applying market policies did not allow them to retreat for a long time. Hence the Government began to talk about the new draft law which is quality and reliable .. and reasoning in this project as follows: Well if the privatization of education did not suit the poor, we will not abandon them, but only has established special sections and distinct within universities in each college and will supplement those sections distinctive By sophisticated labs and stands available to a greater number and curricula and teaching methods finest, and its expenses will be higher for students who are able to. As we see the government to solve the problem of education did not provide new for the poor and in fact did not abandon the privatization of education and substance, but she raised under the rubric of a polite does not raise the rancor poor quality law, and certification. We can easily note that the government's educational system to two degrees, normal - Altobeiralthagavi most obvious characteristic is the privatization policies implemented by the state in industry and agriculture and all other areas, has resulted from these policies rising standard of living and the expulsion of thousands of workers and employees of public sector which led to the formation A huge army of the unemployed in the heart of these graduates education (RP). The course will become more of the cheap labour of businessmen and their projects and therefore it is enough to be literate or the minimum needed by the bourgeoisie of workers and staff have either distinct sections are the sons of the rich elite group of holders of distinguished education and certainly will not become an operational, but managers and experts in positions Prestigious in the economic system. As we see project will result in a further concentration of economic and political power to crush the bourgeoisie in return for poor workers and employees, Ubaid paid work. Will become education after opportunity now to upgrade the social level, because the new project will be devoted minority rule and influence, despite the poor sons entering the university, but will not serve the poor education They could compete with graduates of the distinct sections of the labour market. In addition to increasing the proportion of dropouts levels of education. , All these factors will help to clearly divide the class in society and where are all accounted for bourgeois moral and political rights as shown the popular consciousness the fact class struggle going on, we now know that the draft state in the privatization of education and development will not come close the road to deprive thousands of students from education, and the The expense of more social classes poorer.

50 comments:

tamer.sala7 said...

انا سمعت ان احمد عز هو صاحب الفكرة بتاعة القانون

وكنت عايز اسئل مين اكثر الطبقات الاجتماعية فقرا ؟؟؟

mashahed said...

مقال رائع كالعادة يا رفيق
ممكن نحطه على الطلاب الاشتراكيين؟

انت عامل ايه في الامتحانات؟

kareem azmy said...

مش عارف ايه الصراعات دي كلها
الناس الفقرا اللي بيمثلوا 70 %من الشعب دول يعملوا ايه .. لا اكل و لا شرب و لا تعليم و لا سكن و لا كرامة مش عارفة ايه ناقص كمان

لما الحكومة تبقى شغالة عشان ترضي الاقلية و اللي المفروض ان واجبها يكون عشان ارضاء و اسعاد الغالبية العظمي من الشعب

يعني الناس هتلاقي التفرقة و الصراعات الطبقية في كل مكان

منهم لله

Che_wildwing said...

اما انت قلبك طيب قوي
بتتكلم عن خصخصة التعليم
ماهى كل حاجة اتخصخصت والناس ساكتة
ده في حتى خبر بيقولوا ان الناس هي كمان هتتخصخص
ويبدأوا البيع بالعائلات

brastos said...

اهلا صديقي مصطفى
كيف الحال
ارجو ان تكون امتحاناتك جيدة
طمّنّي رجاء
اردت اعلامك بآخر مستجدات انتفاضة الفقراء بالرديّف .. بجنوبنا العزيز

http://www.aljazeera.net/NR/exeres/A27542AE-9B94-4C53-8F30-D941D8DE6807.htm

شكرا

مصطفى محمود said...

تامر /

مش احمد عز لوحدة اللى ورا فكرة الخصخة دى طبقة رجال الاعمال كلهم ، اما مين هما اكثر الطبقات الاجتماعية فقرا هما 80 فى المية من المصريين !


مشاهد /

يا رفاقة انت تؤمر وتتصرف فية براحتك ...انا ضد الملكية الفكرية ...وحقوق الطبع والنشر لكل الرفاق . وانا تمام الحمد لله هخلص امتحانت وافضالكم .

مصطفى محمود said...

كريم /

اهلا يا كيمو بقالك فترة معدتش ...اخبارك اية .../

النتيجة يا صاحبى هى تحفيز الناس على الانتفاض ضد الظلم


تشى والد وينج /

يا رفيق كل دة بيأدى لنتيجة واحد استئاء معظم الناس ن الراسمالية ووضح اقبح صور الاستغلال .

مصطفى محمود said...

brastot/

والله يا رفاقة واحشنى ...عامل ايى ؟

انا كويس الحمد لله بحاول انجح واتفرغ للنظام المصرى بقى هههههههه... ،

اشكرك على الرابط وعلى ارسالك تفاصيل الحركة عندك .احنا كمان فى مصر غندنا قرية اسمها البرلس واتحرموا من خدمة المياة والشرب مع ان بين وبين النيل 3 كيلو متر !! المهم من ايبوع قطعوا الطريق الدولى اللى بيمر بمنطقتهم واعتصموا علشان يجبروا الحكومة على تنفيذ مطالبهم .

تحياتى

che_sniper said...

يعني يا مصطفى انت حللت الظاهرة بس
للاسف انت اكتفيت بالتحليل احنا دلوقتي شايفين مؤامرة على التعليم المجاني هل علشان نقدر نقف في مواجهة المؤامرة هنكتفي اننا نحلل و ننظر و بس
اعتقد اننا لازم نتحرك في مواجهة المشروع ده مش نقعد مستنيين انه يطبق و بعد كدة نقول يا ريت اللي جرى ما كان

brastos said...

مصطفى

انا نحب انك تنجح

تنجح في كل شي

:)

Hossam said...

hello
this is hossam
nice topic with simple translation
hope be a frinds
c u later

Anonymous said...

ياعم الجودة حاجة والخصخصة حاجة تانية

Anonymous said...

لا بديل عن الخصخصة مع مراعاة حقوق الفقراء

Anonymous said...

• أود أن أعبر عن خالص تقديري للحوار البناء عبر المدونات، وأنا سعيد بحيوية الشباب المصرى فى التعبير الحر عن آرائه بشأن القضايا الاجتماعية والسياسية التى تواجه مجتمعنا وتستحق منا كل الاهتمام.
• ولا شك أن مثل هذا الحوار المجتمعي عبر المدونات أمر جدير بالتفاعل الإيجابي خاصة أنه يناقش قضايا جوهرية وينبع من شباب مبدع يتحمل هموم الوطن. وأحسب أن الآراء المطروحة فى المدونات يمكن أن تفيد فى توجيه السياسات العامة للدولة. وهذا ما دفعني إلى متابعة الحوار الدائر بالمدونات، فأنت وزملائك من المدونين تشكلون واجهة مشرقة لمستقبل واعد بمزيد من الديمقراطية.
• وفى هذا الإطار أوافق على رأيك بأن التعليم ليس سلعة مادية بل هو بناء للثروة البشرية. كما أود أن أوضح لك ولقرائك الأعزاء أن التعليم الخاص فى مصر لم ولن يكون على حساب التعليم الحكومى الذى ظل دائماً ومازال بمثابة أساس النهوض بالتعليم. ولن تتخلى الدولة عن مبدأ الحق فى تكافؤ الفرص فى التعليم بين مختلف الفئات والطبقات الاجتماعية. فالتعليم لا يعد شكل من أشكال الرفاهية بل هو نوع من الاستثمار فى رأس المال البشرى الذى يسمح بديناميكية الحراك الاجتماعى وهو ما تدركه الدولة تماما وتعمل على تحقيقه. ولن تستطيع مصر استثمار الزيادة السكانية دون إتاحة تعليم متميز للطبقة الوسطى ومحدودي الدخل ممن يشكلون النسبة الأكبر فى المجتمع المصرى. ولا بديل عن استثمار رأس المال البشرى المتاح لكل فئات المجتمع وليس الفئة القادرة ماديا وحدها. ولهذا كان من المهم إنشاء هيئة الجودة والاعتماد لمتابعة تطوير العملية التعليمية بالجامعات الحكومية وإلزام الجامعات بتوفيق أوضاعها فى إطار تنافسي لرفع مستوى خريجيها. وإذا كانت مجانية التعليم العالي تستهدف الفقراء ومحدودي الدخل، فإن جودة التعليم المجاني سوف ترفع من قدرة أبناء الفقراء التنافسية فى سوق العمل باعتبارهم ثروة بشرية لا ينبغي إهدارها.
• وفى هذا الصدد أود أن أذكر القراء الأعزاء بأن الحكومة تهتم بتوسيع فرص التعليم الجامعي وزيادتها من سنة لأخرى، حيث بلغ إجمالى عدد الطلاب المقيدين فى الجامعات الحكومية 1.8 مليون طالب فى عام 2006/2007 مقابل حوالي 553.2 ألف طالب عام 1990/1991 بنسبة زيادة تصل إلى أكثر من 225%.
• ووفقا للموازنة العامة للدولة لعام 2007/2008 فقد ارتفع دعم الدولة للتعليم الجامعي من 7.2 مليار جنيه عام 2006/2007 إلى نحو 10.1 مليار جنيه بزيادة قدرها 40.9 % عن العام السابق لكي يتم استيعاب الطلب المتزايد على التعليم العالي من جانب محدودي الدخل.
• لا شك أن إصلاح التعليم يستدعى منا جميعا وقفة وعلينا أن نحقق التوافق بين بديلين : مجانية بلا تعليم جيد أو تعليم جيد بلا مجانية، والتحدي الأصعب هو كيف نحقق الهدف الخاص بتعليم عالي الجودة بما لا يضر الفئات غير القادرة وهذا ما نصبو إليه. والتعليم الجيد يحتاج إلى تكلفة مرتفعة لا تستطيع الدولة بمفردها تحمل تلك التكلفة. ومن ثم على كافة الفئات الاجتماعية المشاركة فى تحمل أعباء تطوير التعليم.
• جملة القول أن ما نحتاج إليه حاليا لتحقيق هذا الهدف هو زيادة وتنويع مصادر التمويل المتاح، وتحقيق كفاءة التمويل، وتفعيل المشاركة المجتمعية، وتطبيق مبادئ الحوكمة، وصولاً إلى تأسيس البنية الأساسية اللازمة لإنتاج ونشر المعرفة لصالح كل الثروة البشرية التى تمتلكها مصر على مختلف المستويات الاجتماعية.

جبهة التهييس الشعبية said...

ههههههههههههه
ده احمد نظيف رئيس الوزراء بجد؟
طب يدينا امارة

Anonymous said...

والله جايز
ليه لأ ؟؟؟
خصوصاً إن الكلام رسمي وشبه كلام الوزرا فى التليفزيون , ليه نستبعد إن ده كلام نظيف؟؟؟
ماعتقدش ياجماعة إنها متفبركة
وبعدين مين هيجي على باله فكرة زي دي؟ وتفتكروا ايه مصلحته ؟؟؟
أنا شايف إنها بداية كويسة إن صوتنا يتسمع فى المدونات والحوار بينا وبين الحكومة يبقى مباشر ؟؟
يمكن فعلاً يبقى عندنا ديمقراطية

Anonymous said...

ديمقراطية ايه ياعم ؟؟؟؟؟؟؟؟
هههههههههههههههههههههههه
هى الكلمة دي يعني ايه؟؟؟؟؟؟؟؟؟؟؟
وبعدين نظيف هيسيب الوزارة ويقعد يمضى على مدونات ؟؟؟؟؟؟؟
ههههههههههههههههه

عاشق سيئ الحظ said...

بغض النظر عن كونه أحمد نظيف بنفسه والا لأ الكلام ده محتاج رد عليه. وهو مبني على جملة من المغالطات. أولا، فيه افتراض إن الحكومة ما تقدرش تقدم تعليم جيد بسبب نقص الموارد. ثانيا، فيه افتراض إن رجال الأعمال ممكن يقدموا تعليم جيد لمجرد إن عندهم فلوس كفاية. ثالثا فيه افتراض إن ممكن يقام نوعين من التعليم بمستويات جودة مختلفة واحد حكومي وواحد بيزنس ومع ذلك يضمن حقوق الفقراء في إنهم يحصلوا على تعليم جيد وفرص متساوية مع غيرهم. الافتراضات الثلاثة خاطئة. أولا إن الحكومة غير عاجزة عن تقديم تعليم جيد بسبب نقص الموارد، ولكن السبب الحقيقي إن أولوياتها في تخصيص الموارد معادية للفقراء. الحكومة تقدم دعما كبيرا للأغنياء مثل دعم الطاقة لرجال الأعمال الذي يصل إلى أضعاف ميزانية التعليم، وهو دعم يتحول إلى أرباح حرام لرجال مثل أحمد عز ومحمد فريد خميس. جزء بسيط من هذا الدعم الذي تقدمه للأغنياء يكفي لتطوير التعليم الحكومي ليصبح على أعلى مستوى. ثانيا الحكومة تحاول التلاعب بأرقام دعم التعليم، ولكنها لا تكشف أبدا عن أرقام ميزانية الداخلية أو الإعلام وهي ميزانية هدفها قمع وتجهيل الناس. المشكلة هنا تحديدا يا رفاق في أولويات الطبقة الحاكمة. التي ليس من بينها تقديم خدمة تعليم جيدة للفقراء. والتي من بينها أيضا فتح مجال جديد للاستثمار وتحقيق الأرباح أمام رجال الأعمال.
لو كان من أولوياتها تطوير التعليم مع المحافظة على حقوق الفقراء في المساواة في الفرص لأنفقت على التعليم وقامت بتخفيض الدعم الذي يذهب إلى جيوب اقلية من رجال الأعمال لا تمثل 1% من سكان مصر. وإذا تحدثنا عن الموارد المهدرة على خدمات خاصة لتلك الفئة من رجال الأعمال خاصة المرتبطين منها بالسلطة ودوائر الفساد فلن تكفينا عشرات المدونات.

الافتراض الثاني، أن رجال الأعمال يستطيعون تقديم خدمات تعليمية متميزة لمجرد امتلاكهم للموارد المالية، الحقيقة أن هذا الافتراض أيضا خاطئ تماما. إن ما يحرك رجال الأعمال هو تحقيق الأرباح، والمنافسة على تحقيق أكبر قدر من الأرباح بلا حدود فالتراكم اللانهائي هو هدف رأس المال، وعندما تتعارض فكرة تحقيق الأرباح مع إضافة معامل أو تعيين أساتذه أكفاء أو زيادة قاعات المحاضرات أو غير ذلك، ستكون الأولوية لرجل الأعمال ما يحقق له ربحا أفضل، ثانيا هناك الفساد الذي يهدر إمكانية ضمان جودة المنتج التعليمي (الطالب) إذا أدى ذلك إلى تخفيض إقبال الزبائن على مؤسسته التعليمية، ولذلك نجد الغش الجماعي وشراء الشهادات وعدم الاهتمام على الإطلاق بمدى الاستيعاب أو كفاءة الخريجين. رجل الأعمال لا يفكر في مستقبل المجتمع وقدراته على الإبداع، إنما ينصب تفكيره على تحقيق أعلى قدر من الربح على استثمارات رأس المال، وهناك أمثلة حية أمامنا في الجامعات الخاصة.
الافتراض الثالث يقوم أيضا على فكرة خاطئة أن الحكومة تستطيع أن تقدم نوعين من التعليم أحدهما عادي والآخر مميز دون أن يكون هذا التمييز ضد الفقراء، هي فكرة وهمية من مجرد صياغتها عادي ومميز هي فكرة كاذبة، ومجرد مدخل لحرمان أبناء الفقراء من الحق في التعليم.

Anonymous said...

طب وبعدين يا جماعة إذا كانت الحكومة مش قادرة تساعد عشان مواردها ضعيفة زي ما بيقولوا، وإذا كان رجال الأعمال مش هيساعدوا في حاجة مش هتدير عليهم أي أرباح. يبقى الحل فين؟؟؟؟؟؟؟؟؟؟؟ والفقرا دول يروحوا فين؟؟؟؟؟؟؟؟؟ينتحروا عشان يرتاحوا ويريحوا!!!!!!!

Anonymous said...

تحية للسيد الدكتور أحمد نظيف، اتمنى ان ارى سيادة الرئيس ايضاً يتفاعل مع شباب مصر بدل انعزال السلطة بعيداً عن الشباب و شكراً

Anonymous said...

طارق - السعودية

حقيقة انا سعيد بهذا التفاعل بين السلطة والشباب المثقف الواعي ..لان ذلك يعكي مؤشرات جيدة جدا وتصرف حضاري يدفع طموحاتنا ووتطلعاتنا كـ شباب عربي الى الامام .. قبل فترة سمعنا عن مشاركة الملك الاردني عبدالله الثاني في التعليق على احدى الاخبار في احدى الصحف الاردنية ..واليوم نشاهد دولة رئيس الوزراء احمد نظيف يشارك الشباب نقاشهم بحب .. هذا رائع جدا ..وان كان ذلك مجرد عارض فأرجوا ان تصيب العدوى جميل المسؤولين العرب ..

دمتم بحب ورفعة

تحيتي
طارق _سعودي متابع

Anonymous said...

والله شئ ممتاز من السيد رئيس الوزراء وانا بس عايز اقول شئ واحد ليه
ما لا يدرك كله لا يترك كله الحقيقه المؤكده ان ميزانيه مصر كلها لا تكفى لتوفير نظام تعليم حتى جيد والحل لازم يكون بناء على الحكمه السابقه وفروا نظام تعليم مختلف تماما عما هو سائد نظام يجمع كل مزايا ارقى نظم موجوده فى العالم من اليابان وامريكا ودول اوروبا بصبغه مصريه تراعى القيم والاخلاق المصريه العربيه الاسلاميه
وفروا هذا النظام لعشره الالاف او لعشرين ألف من ابناء مصر المتميزين اعتقد ان هذا العدد كافى لقياده النهضه فى المستقبل وليسير هذا النظام بالتوازى مع النظام السائد الذى يحتاج للوقت والمال والجهد المهول حتى يحدث الاندماج بعد حتى 40 سنه انما نكون على الاقل استطعنا اعطاء الفرصه للمتميزين حتى يقودوا الوطن الى بر الامان
ياسياده رئيس الوزراء نعلم ان عددنا كبير وامكانياتنا رغم ضخامتها الا انها لا تكفينا ولكن ما لا يدرك كله لا يترك كله
ولا تسمع لمن يسمى هذا ظلم فالظلم الحقيقى هو وضع مصر حاليا

Anonymous said...

http://www.alarabiya.net/articles/2008/08/09/54546.html


اللينك ده في خبر عن مشاركه احمد نظيف السابقه
وبيقولو إنه ( صرح ) لأحد الجرائد إنه صاحب المشاركة

ياسر المصري said...

أنا سعيد جدا بمشاركة الدكتور نظيف بالحوار معكم واستطيع ان اقول أن عجلة الديمقراطية بدأت تتحرك ويا ريت الدكتور نظيف يشجع الوزراء على التواصل مع الشعب حتى تسير الحكومة والشعب في طريق واحد ومش كل واحد يكون في وادي ونسأل الله التوفيق

مواطن مصري said...

الي دكتور نظيف مصر حزينة
يا نظيف الاسعار نار و تقول لي حال المواطنين مش عارف اية يا دكتور نظيف
العشوائيا و الفقر و الجوع و التعليم فاشل
في مصر يا دكتور نظيف
التعذيب في مصر
ف المدون كريم البحيري تم تعذيبة و احمد ماهر الناشط على الفيس بوك تم تعذيبة
نحن نرفض سياسات الحزب الوطني كما نرفض التوريث و كما نرفض الاخوان المسلمين
يا سيادة الرئيس الوزراء نرفض تصدير الغاز الي اسرائيل
يا سيادة رئيس الوزراء اذا كنت مؤمن ب الحرية و الديموقراطية فما ذنب
الشباب الذين رفعو علم مصر في الاسكندرية ان يعتقلو
في حين ممدوح اسماعيل القاتل اخد ببرائة و قتل 1043 مواطن
مصري يا دكتور نظيف الشعب يشكو من ارتفاع الاسعار و احتكار السوق
يا دكتور نظيف ماذنب عبد الكريم عامر ان يعتقل اذا كنت تؤمن ب الحرية
و ماذنب ايمن نور ان يعتقل
و ما ذنب
محمد رفعت ان يعتقل بسبب دعوتة للتظاهر السلمي و رفع علم مصر
و ما ذنب ابراهيم عيسي ان يتحاكم بسبب نشر اخبار عن مرض الرئيس في وقت الن فية اولمرت انة مريض بسرطان البروستاتا؟
يا دكتور نظيف من قنا ان نعبر عن رائينا و من حقنا ان ندعو ل الاضراب السلمي و التظاهر السلمي
من حقنا ان نغير بلدنا من اجل مستقبل افضل
من حقنا نرفض الحزب الوطني و نرفض حكم مبارك و نطالبة ب الاستقالة
ذا كنت تؤمن ب الديمواقرطية فعلا

جبهة التهييس الشعبية said...

طيب بقى مدام طلع صاحب التعليق هو رئيس الوزراء بالفعل فانا احب اسأل

ايه سر تراجع دور الجامعات المصرية امام الجامعة الامريكية

الجامعة الامريكية اللي زمان شهادتها ما كانش معترف بيها بقت هي دلوقت الجامعة الاولى في مصر ولا يخفى على السيد الوزير انها ارض امريكية

بينما الجامعات المصرية كل سنة في تراجع
مشكلة انخفاض اجور اساتذة الجامعة اللي واقفين على الرصيف يطالبوا بحقوقهم

سرقة الكتب من مكتبة الجامعات المصرية او احتفاءها ده غير عدم الاهتمام بتجديدها وتطويرها

اهمال المسئولين والشخصيات العامة لطلبة الجامعات المصرية

بينما الجامعة الامريكية كل يوم بتطور نفسها
مش بس كده

المسئولين بيهتموا بيها وبيجتمعوا كتير بشبابها

بما فيهم السيدة حرم الرئيس
طب ايه السر؟
دي جامعة اجنبية
ومش هي الجامعة الاجنبية الوحيدة
جامعات اجنبية كتير فتحت في مصر
والجامعات المصرية اللي اتعملت برأس مال وطني واجدادنا دفعوا تمنها من التبرعات
بتتراجع لحد ما بقت عاملة زي الكتاب
واقل كمان

ليه؟
احنا بندفع ضرايب كتير قوي
قوي
قوي
طب ابسط حاجة جامعتنا الوطنية تاخد ولو جزء بسيط من الضرايب دي

Anonymous said...

كلاكيت تانى مرة
ياريس
مصر حزينة
ياريس
افرج عن معتقلين الراى
ياريس
الجامعة زى الفل
والتعليم زى الفل
ورغيف العيش موجود
والديموقراطية موجود
والحرية موجودة
والحوار موجود
افرج عن مصر
ياريس

مواطن مصري said...

الي دكتور احمد نظيف رئيس وزراء مصر مصر حزينة
يا دكتور نظيف الاسعار نار و تقول لي حال المواطنين مش عارف اية يا دكتور نظيف
العشوائيات و الفقر و الجوع و التعليم فاشل
في مصر يا دكتور نظيف
التعذيب في اقسام مصر
فما ذنب المدون كريم البحيري تم تعذيبة و احمد ماهر الناشط على الفيس بوك تم تعذيبة
و نشطاء الفيس بوك اعتقلو بسبب رائيهم على جروب 6 ابريل
نحن نرفض سياسات الحزب الوطني كما نرفض التوريث و كما نرفض الاخوان المسلمين
يا سيادة الرئيس الوزراء نرفض تصدير الغاز الي اسرائيل
يا سيادة رئيس الوزراء اذا كنت مؤمن ب الحرية و الديموقراطية فما ذنب
الشباب الذين رفعو علم مصر في الاسكندرية ان يعتقلو
في حين ممدوح اسماعيل القاتل اخد ببرائة و قتل 1043 مواطن
مصري يا دكتور نظيف الشعب يشكو من ارتفاع الاسعار و احتكار السوق
يا دكتور نظيف ماذنب عبد الكريم عامر ان يعتقل اذا كنت تؤمن ب الحرية
و ماذنب ايمن نور ان يعتقل
و ما ذنب
المدون محمد رفعت ان يعتقل بسبب دعوتة للتظاهر السلمي و رفع علم مصر
و ما ذنب ابراهيم عيسي ان يحاكم بسبب نشر اخبار عن مرض الرئيس في وقت الن فية اولمرت انة مريض بسرطان البروستاتا؟
يا دكتور نظيف من قنا ان نعبر عن رائينا و من حقنا ان ندعو ل الاضراب السلمي و التظاهر السلمي
من حقنا ان نغير بلدنا من اجل مستقبل افضل
كما من حقنا ان يكون هناك تعليم افضل
من حقنا ان ناخذ راتب افضل للعمال
من حق المواطن ان ياخذ تامين صحي افضل و مجاني

من حقنا نرفض الحزب الوطني و نرفض حكم مبارك و نطالب الحكومة ب الاستقالة
و محاكمة ممدوح اسماعيل

افرج عن مصر يا ريس

جبهة التهييس الشعبية said...

هههههههههه
يا اخوانا انا قلبي حاسس انه واحد من شباب المستقبل وانتحل شخصية رئيس الوزراء
مش عارفة مش مصدقة لحد دلوقت

ومواطن مصري كاتب له شكوى الفلاح الفصيح
:)

جبهة التهييس الشعبية said...

باقول لك ايه يا مصطفى
انت مش عندك كاونتر؟
ما تجيب لنا الاي بي ادرس واحنا نعرف هو احمد نظيف وللا لا

مواطن مصري said...

نوارة عامل بروكسي و الاي بي بيتغير

:))

مش حكومة ذكية

جبهة التهييس الشعبية said...

عامل بروكسي؟
لا ده قصده يخوفنا بقى
طب احنا بنعمل بروكسي عشان خايفين نتعفق
هو عامل بروكسي ليه؟

الخوجة said...

احنا تعبناجدا وجاي حضرتك تتعبنا اكثر مش كفايا الغلا اللي احنا فيه.
جاي تقول اللي ينجح يأخذ واللي مينجحشي ميخدشي هو احنا اطفال
قبل ما تطلبوا منا اختبارات عيشونا كأى بنى ادميين علاج و تعليم لاولادنا يكون مناسب و لبس و علاج ادمى وبعدين اطلبوا اللى انتو عايزينوووو من المعروف عن حكومات مصر من أول الوزير يسرى الجمليوا رع وزير الاسرة الأولى الفرعونية انهم بيطلبوا بس وعمرهم ما عملوا اى حاجة للمواطن

احنا غيرنا الورق للتقديم 3مرات كل شويه برأي لان فيه مظاليم كث

كل المدرسين رافضين هذا النظام والوزير مصمم عليه ده اول سؤال فى اى اختبار لاى وزير وواضح ان الوزير سقط فى الاختبار لانه مبيعرفش يعمل نظام يكون المدرسين مرحبين بيه يبقى هو كمان لا يستحق الترقيه او حتى مكانته كوزير لانه لو دخل امتحان كادر الوزرا حيسقط فيه بالثلث ويا ريت يروح يدرب نفسه الاول ازاى يبقى وزير وبعد كده يقعد يقول الكلام الانشا اللى يجيب تخلف اكتر ما يجيب تقدم

احه دوت كوم said...

شد السيفون على منظومه مجانية التعليم
شوفوا الكدب والهجص

كفايه بقى تصريحات كدابه
كل الناس عارفه كدبكم

مجانية اية بلا خيبة

جايز تقصد المجانية والغش لعيالكوا بس
ماهو احنا ولاد البطة السودة
احنا العبيد اللى شغاليين عندكم وعند الحكومة بالمزرعه العبيد اللى لازم يرضوا بالقوانين التى تسن للعبيد فقط

أنتم طبقة النبلاء التى تحيط بالملك وتزين له كل شىء ولو واحد من العبيد يسجن ويعتقل ويجدد حبسه وده بلاغ للمجتمع الدولى عن جميع الجرائم التى نتعرض لها من الملكية بمصر ومن طبقه النبلاء
لاننا عبيد المزرعه

أى مجانية والعيل لما ينجح بشهادة الاعدادية لازم يدفع للمدرسة 10 جنيه او 9 جنية وبريزة علشان ياخد الشهادة انتم شويه كدابين مفروض ان كل حاجه اتوماتيك انما الشغل الاتوماتيك هيفضحكم وعلشان كده مستمرين بنظام الورق
روح شوف المصروفات الاول وشوف الحمامات الناقلة للاؤبئة
شوف الاثاث
شوف السبورة السوداء والطباشير وخطورته على الصحه العامه كلكم شويه كدابين طالما ان الملك مالوش دعوة بحاجه
طالما ان مدير المدرسة دبلوم زراعه
طالما ان زميلى دبلوم الزراعه مرتبه اعلى منى وممكن يبقى مدير على
الملك هو اللى بيقرر انما انتم كلكم شويه الاتيه
انتم شويه سكرتاريه

وزير التعليم لازم يمتحن زى المدرسين
وزير التعليم مش عارف حاجة وبيجرب فى المدرسين علشان كده لازم يمتحن من تانى
نطالب أن يدخل وزير التعليم امتحان الكادر قبلنا

وثيقة أم ترتر لتطوير التعليم

العمل بالحكومة كمدرس عمل من لاطموح له
معامل الكمبيوتر بالمدارس ليس لها دخل بالعمليه التعليميه والوزارة بتسوق لشركات اجنبية
أنتم لسه عاوزين تمتحنونا من تانى علشان شويه فلوس..كتكوا وكسة
مصر ليس عندها شىء تقدمه لابنائها الا الضرب على القفا
احنا ياد اسيادكوا و اسياد كل البلد دى .. هنعرفك دلوقتى احنا مين
مقومات التعليم البوليسى فى الدولة البوليسية
تطوير التعليم يبدأ بأنكم كلكم تنزلوا من على كتف المدرس
نرفض أن يعلم اولادنا حملة الدبلومات الفنيه..لالالالا
ألغاء وزارة التربية والتعليم
الكمبيوتر مادة اساسيه بالمرحلة الاعدادية من العام القادم ….طب ازا


خلاص احنا عارفين ان العامة والغالبية من امثالنا لااحد يسمع لهم انما الكل يضربنا بالجزمة ونموت احنا وعيالنا المهم انكم عليه القوم تعيشوا بصحه وهنا انتم وابناؤكم من فلوس الشعب ودمه مش جديده انتم كده اللى يهمكم انكم تضعوا بكل المناصب من يقول لكم نعم قريب النسب عالى المقام اعملوا جمهورية ليكم واتركوا العامة والحرافيش امثالنا ولا لازم العبيد امثالنا علشان النبلاء مايتعبوش
قبل ماتتكلم عن امتحانات الكادر للمعلمين هذا الشهر روح وشوف حمامات المدارس الناقلة للاوبئة شوف حمامات المدارس والخراطيم ان كان فيها خراطيم كل العيال بيشخوا عليها يعنى لو عيل واحد عنده فيروس الله يعوض فى المدرسة كلها ولا الميه اللى عيال الشعب بيشربوها من حنفيات نحاس مجنزرة واظاهر ان الوزير ده شاطر بس فى زحلقه الكل والضحك على الجميع بتطوير التعليم ومايعرفش حاجه اسمها صابون بحمامات المدارس او اماكن لشرب المياة النظيفه قبل مايتكلم عن تطوير وتدمير التعليم يروح الاول يهتم بامكن شرب ولادنا ولا عيالنا بالتعليم العام عيال البطة السوداء مش مهم كلهم يشخوا مكان بعض بحمام لايصلح للبهائم الوزير طبعا بيفرشوا له رمل وزهور ويضحكوا عليه وعلى اتخن منه مش مديرى المدارس دبلومات فنيه بالاقدمية لازم يزحلقوة المهم ان الملعب يكون متخطط زى الحمار الوحشى والسجلات المزورة سليمه والعهدة سليمه العهدة المزورة اللى بيضحك بيها على من هو اكبر منه
يكفى فقط كميه الامراض التى ينقلوها الى اولادنا بالتعليم العام
وكميه الاؤبئه من حمامات المدارس طبعا ماهو عندنا بمصر الحرافيش والعبيد عيالهم بالتعليم العام
والصفوة بالتعليم الخاص

THE NEW HOLOCAUST said...

حكومتنا كعادتها تتكلم عن الحق وهي تريد به الباطل إزااى أفهمكووووووووو
في اليابان ولدول الراقية دى راتب المعلم محترم لقصى درجه يعنى المعلم من غير موضوع الرخصة والاختبار اصلا شبعان وعايش حياة كريمة،ودخوله الاختبارات دى بيكون علشان حاجتين انه يقدر يكون معاه رخصة التدريس وان الدوله تضمن انه بيحدث معلوماته وبكده تضمن جودة تعليمها
انما فمصر ههههههههههههههههه...
المعلم مش بيعامل على انه بشر طبيعي
لان اساسا راتبه مايجيبش برسيم لحمار طول الشهر واسف على لتشبيه
فازاى تربط يا عم الوزير فلوس هتسند ضهرى وتخليني يدووووووووووووب اعرف اعيش باختبارات وترقيات
اللى بيطبق فكره يايطبقها كلها يابلاش
وعموما نا عارف والله ان تحسين احوال المعلمين مش من اهداف النظام ليييييييييييييييي...
لان مدرس واعي ومخلص وشبعان هيدرس بما يرضي الله يبقه هيخرج عقول واعيه وافهمه ومش مطلوب فى مصر ان لناس تفهم هههههههه
فافهمومها بقه معلش طولت عليكو


هل حضرتك اصلا تربوى ؟
هل السادة المبجلين اللى حواليك هيمتحنوا ؟
هل ستنشر النتيجه في الصحف وتكرم العشرة الاوائل وتتصور معاهم ؟
هل تقبل كوزير ان يتم امتحانك ليس في التدريس لكن في مهام وزارتك ؟
حرام كفاية احنا تعبنا من الخلاط ؟


مش كل واحد بيعين قريبه بمنصب هو الكلب بيعض بودن اخوة علشان كده مافيش حاجه ماشيه صح المهم ان اى واحد يتكلم يبقى كداب وله هدف
المهم انهم وقرايبهم باماكم مهمه بالبلد
ومش مهم الصحه العامه المهم تحيه العلم
مش مهم مياه الشرب المهم السجلات
مش مهم وقت المدرس المهم النتيجه
وزارة الكدب العلنى
المهم ان الباب العالى يكون مبسوط
تطوير تعليم ازاى وخرطوم الحمام والكوز على الارض ايوة الكوز حتى بحمامات اللجنه الطبية العامه بالمنوفيه
الكل مقفل عينيه
لاكن لكم يوم حساب كل من شاهد
وكذب بتقريرة
مش مهم مياة شرب نظيفه لعيالنا
يتم معاملة اولادنا معاملة قطيع الغنم الكل بيصرف له علاج موحد
ماهى الحكومة عارفه امراضنا
ماهو الوزير عارف ومطلع على حالنا
ماهو الوزير بيجى يقف معانا بطابور التامين الصحى وبياخد علاج تراب
ماهو الوزير بيشترى علاج على حسابه
روح ياوزير منك لله انته والاكبر والاصغر منك ربنا شاهد ومطلع عليكم
عليكم من الله ماتستحقون فى دولة تضيع بها الحقوق

الاخ وزير التعليم
من فضلك حل عن سمانا وارحل
نحن لانقبل اى تطوير ولانثق بأى شىء تقوم به
مهما كان ماتفعله فلن نقبلة منك

من فضلك يارئيس الوزراء قبل بداية العام الدراسى استغنى عنه مش قابلينه غير نحبوب وسياسته وبال علينا وعلى الوطن كأنه متأجر علينا

Anonymous said...

شكرا د. نظيف علي المشاركه
الي الامام وربنا يوفقك

Anonymous said...

شكرا د\نظيف

والى الامام يا مضر

الخوجة said...

اخونا الفاضل اللى بيطالبنا بالاحترام بالردود مافيش مشكلة بس كل واحد فينا بيطلع اللى جواة اكيد لو انهم كلهم اقصد الوزراء على الاقل بيتابعوا الدونات بدل من التقارير التى ترفع من القبض على المدونين متابعه امنيه مش احسن لماذا لايستجيبوا لنا ويشوفوا الكلام الصح ونحس ان هناك من يستجيب للشعب وبخاصه اننا غالبيتنا لايوجد لنا واسطة او بابا او ماما كلنا اولاد ناس عاديين

ibn nasser - ابن ناصر said...

ايــه يا ليـــنين وقاعد تعرض صوري انا وانت
الله يخرب بيتك رئييييس الوزرا مرة واحدة
طب امين شرطة يعلق
ظابط طيب
رئييييس ورزااا
..ا
انا اعتقد ان هو اللي معلق فعلا
بس مش قادر اتخيل انه قاعد علي الكمبيوتر ودخل وعلق!! سبحان الله
وربنا يستر
تحياتي

Anonymous said...

كويس الدكتور نظيف يعلق
على فكرة الراجل ده ناجح من ايام ما كان ماسك وزارة الإتصالات وبحترمة وبحترم مشاركتة
بس مالومش عليه غير تصريحه ان مصر دوله علمانيه بما يخالف تقالدنا وشريعتنا بل ودستور البلاد الذي ينص ان مصر دوله إشتراكية ودولة إسلامية
وبرغم حبي ليه بسأل برده سؤال هل ما تمر به البلاد من مرحلة عصيبه له دخل بهذا الانفلات ولا هو حظه كده اصل التوفيق بتاع ربنا في النهايه
والناس اللي عايزه تنتقد نظيف ياريت تبقا محترمة وتحترم انه دخل وشاركم الحوار

محمد البري

Anonymous said...

لما يكون الكلام فى المدونات عن الحكومة ساخر ومبتزل ونقول معلش لان مفيش متنفس غير كدة ، لكن الغريب ان نفس اسلوب الابتزال يبقى موجود فى تعليقات المدونين على كلام رئيس الوزراء فأين الحوار ؟؟؟؟؟؟!!!!! ليه منسبتش للحكومة ان الحوار اللائق والفعال هو افضل الطرق لتحقيق الديمقراطية واصلاح احوال البلد.

كريم البحيرى said...

مساء الخير على كل زوار المدونة انا بقالى كتير لم اعلق على مدونات وفضلت ان اجلس مراقب للمدونات التى احب ان اتصفحها يوميا ومنها على اسم مصر ومدونة نواره وحسام الحملاوى ويسارى ونورا يونس ومواطن مصر وغيرها الكثير من المدونات ولانى لم ادخل منذ فترة طويلة على مدونة صديقى مصطفى فلم اكن اعرف بأمر تعليق رئيس الوزراء سوا من مدونة نواره نجم ايا ما يكون الامر فانا اليوم اتخلى عن تصفحى وقررت ان اكون معلق
رسالة الى رئيس الوزراء احمد نظيف
السيد رئيس الوزراء اهلا ومرحبا بك فى عالم المدونات ولست هنا كى اقر ان كنت انت من علق او لا ولكنى هنا كى اقول لك ان مصر ليست حزينة فقط وانما تحتضر نتيجة السياسات التى تقوم بها حكومتك التى باعت جزء كبير من مصر وتشرع فى بيع الباقى سيدى رئيس الوزراء ان مصر لم تصبح للمصريين وانما اصبحت لمجموعة رجال الاعمال والتى فيها رأس الافعى احمد عز التلميذ النجيب والذى ينفذ سياسة كيفية قتل وخراب مصر
السيد رئيس الوزراء اظن ان سيادتكم فى العرض الجيد الذى عرضته فى تعليقك والذى لا يمت فى الواقع الى الحقيقة فى شىء اريد ان اقول لسيادتكم ان تعليقكك هو طريق جيد لفتح نقاش مع الشباب من خلال المدونات ولكن يجب ان تعلم جيدا ان الشباب الذى تتحدث معهم رغم صغر سنهم الا ان اقل شخص فيهم هو اكثر ذكاء وخبرة وثقافة من اى وزير فى حكومتك لذلك لا تعاملنا على اننا بلهاء او جهلاء فكل ما عرضته سيادتك يصلح لافلام السينما المصرية القديمة فمصر ليس بالجمال الذى تعرضة
لقد تحدث مواطن مصرى عن جزء من الازمة الا وهى المعتقلين وذكر انه تم تعذيبى انا واحمد ماهر ولكنى لست هنا لكى اقول لك انه تم تعذيبى على يد ظباط امن الدولة الاشاوس فى حكومتكم ولكنى هنا كى اقول لك انه يوميا يتم تعذيب مواطنيين لا حصر لها داخل معتقلات الداخلية التى اطلقت انت ورئيس الجمهورية يد ضباطها كى يقتلوا المواطنيين كما يشاءون وصولا الى تعذيب المواطنيين فى اقسام ونقاط الشرطة ومقرات امن الدولة ولم تكتفى احدى الوزارات فى حكومتك فى فعل ذلك بل تقوم بسحل المواطنيين فى وسط الشارع وامام كل المواطنيين وكأنها تقول للعالم انه لا تخشى احد سيدى رئيس الوزراء ان مصر تمر بفترة عصيبة اصبح قرارات القضاء فيها يضرب بها عرض الحائط واخرها قضية المدونيين المصريين المعتقلين ومنهم المدون مسعد ابو فجر صاحب مدونة ودنا نعيش الذى لم يرتكب اى جرم سوا انه قال ودنا نعيش وكريم عامر الذى عبر عن رأية واخيرا وليس بأخر المدون دكتور ممدوح المنير المعتقل على خلفية احداث 6 ابريل حتى الان دون اى تهمة ورغم قرارات القضاء بالافراج عنه الا ان احد وزرائك وهو حبيب العادلى اصدر قرار باعتقالة ليقوم على القضاء المصرى وداعا ايها القضاء المستقل
وليس امر المعتقلين فقط هو ما يشوب مصر فتصدير الغاز حتى لو كان بمليارات لا بل ببالايين الدولارات هو عار على الشعب المصرى فنحن لا نجد الغاز لحاجاتنا ونصدرة لاسرائيل بالاضافة الى مشاركتنا فى قتل الفلسطنيين الابرياء بعد امدادنا بالغاز لاسرائيل كى تقتل اخواننا واطفالنا فى فلسطين
كما ان التعليم الذى تحدثت عنه سيادتكم فى عرض جيد كمسلسل تراجيدى قديم ليس له علاقة فى الواقع بالحقيقة فكلنا نعلم ان منظومة التعليم فى مصر تحتاج الى اصلاح وقد وصل الحال بأن كل من درس فى التعليم المجانى فى مصر اصبح يحتاج الى علاج نفسى جراء ما وضع فى رأسة من مناهج ليست لها علاقة بالواقع فقد تعلمنا فى مدارس الحكومة التى يتكدس فى كل فصل فيها خمسين طالب اسوء انواع التعليم وذلك بعد ان قامت حكومتك الرشيدة بالعمل على خصخصة التعليم وكانت السياسة هى تخريب التعليم المجانى حتى يرفضه الناس وتأتى حكومتك الرشيدة وتقول نحن نحب الشعب المصرى لذلك سنقوم بعمل تعليم خاص واذكر سيادتكم انه بعد فترة بسيطة سيصبح التعليم الخاص اشبة بالتعليم المجانى وستقوم حكومتكم باختراع نوع تعليم جديد يستنفز اموال هذا الشعب الفقير
سيدى رئيس الوزراء ليتك تنزل من برجك العاجى انت ورئيس الجمهورية والذى ااوكد لسيادتك انه يعلم كل صغيرة وكبيرة فى هذا البلد ويوافق على ما يحدث فيها انزلوا من ابراجكم وانزلوا على اقدامكم الى العشوائيات المصرية واجلسوا بجانب المواطنيين واسمعوا مشاكلهم وحلوها وان لم تسطيعوا فعل ذلك فارحلوا عن الحكم واتركوا من يحكم مصر يستطيع اصلاحها
ياليتك ياسيدى يارئيس الوزراء تنظر الى الفاسد اولمرت الذى تقدم باستقالته لمجرد انه اتهم بالفساد وفى مصر تجد المصيبة كبرى ففى كل يوم تنشر الصحف مستندات ضد الوزراء عن فساد وسيادتكم تنظر اليها وكأنها غير موجودة
السيد احمد نظيف انا مواطن مصرى اهين فى سجون وزير الداخلية وجرع مر الفقر فى ارض هذا البلد ورغم كل هذا الا انى احب ارض وتراب مصر اكثر من اى شىء واعلمك انى لست من الحاقدين على الرأسماليين كما ستظن من هجومى على رجال الاعمال فقد علمنى اهلى الا انظر الى ما فى يد غيرى ولكنى ساخط على ان ينهب مصر قلة من رجال الاعمال ويتركوا الشعب يجوع لست فى مشكلة مع سيادتكم ولكنى اريدك ان تعلم جيدا اننا كشباب مصريين نرفض كل ما تقوم به حكومتك من سعى لخصخصة التعليم والصحة وشركات قطاع الاعمال والقطاع العام مثل شركة غزل المحلة الذى يقوم تلميذك النجيب فؤاد عبد العليم حسان بالسير على ما قمتم برسمه له فى طريقة تخسير الشركة من اجل خصختها كما نرفض نحن الشباب ان يتم اعتقالنا بموجب قانون فاشل عفى عليه الزمن يدعى قانون الطوارىء ونرفض اعتقال الابرياء وموتنا من اجل الحصول على رغيف العيش كما نرفض ان تستمر حكومتك دون محاسبة لاخطائها كما نرفض بقاء السيد الرئيس مبارك اكثر من ذلك نريدة ان يترك الحكم لينتقل الى اخر حتى نشعر بالديمقراطية فاظن ان 27 عاما كافية ليترك المصريين يشعرون بالحرية سيدى رئيس الوزراء نحن سعداء لانضمامك لعالمنا البسيط عالم المدونات ولكن ليتك قبل ان تدخل وتترك تعليق لشباب مصر الواعيين ان تخلع من عليك رداء الحكومة ولا تدافع عنها بمعلومات لن يصدقها الاطفال فنحن نريدك عندما تدخل عالمنا ان تنظر لمصر بنظرة حقيقية بنظرة شباب مصر الذين رأوا الفقراء وعاشوا وسطهم بل هم من الفقراء
السيد رئيس الوزراء ربما تعتقد ان كلامى يعتبر اهانة لسيادتكم او اهانة لرئيس الجمهورية او انى من القلة المندسة الذى كثيرا ما تتكلموا عليهم ولكن هذا ليس حقيقى فشباب مصر ومن يرغبون فى اطلاق صراح مصر ومن يهاجموكم فى مدوناتهم هم اكثر الناس خوفا على مصر ان تصل الهاوية وتصبح بها حرب اهلية او ان تصل الىلا ان تكون دولة ينعم فيها الارهاب بحريته
سيدى رئيس الوزراء انظر الى مصر والى المواطنيين المصريين بعد ان تخلع نظراتك وتنزل من سيارتك الفارهة لترى المصريين على الحقيقة ليس كما يجعلك وزرائك وحاشيتك تراها
نحن شباب احب مصر وعلى استعداد ان يقدم روحة فداء لها ولكن يجب ان تسعدنا الحكومة على ذلك فليس من الطبيعى ان يعتقل ويقمع الابرياء ويطلق سراح هانى سرور وممدوح اسماعيل قاتلى الابرياء
ليتك تخاطب ضميرك قبل ان تعلق على تعليقات هؤلاء الشباب الذين حضروا الى هنا ليفتحوا خطاب مع حكومتك
ليتك ترى الشعب المصرى المقموع على حقيقته
وياليتك توصل الى الرئيس مبارك صرخة مدون وعامل مصرى وقل له شباب مصر يقولون لك اطلق سراح مصر ياريس اطلق سرح شعب مصر ياريس ارفعوا عنا الطوارىء فلسنا ارهابيين

Amgad said...

http://www.asharqalawsat.com/details.asp?section=4&article=482087&issueno=10847
ده لينك فيه تعليقاتكو برده وتصريح نظيف

جبهة التهييس الشعبية said...

آه
بتوع الحزب الوطني دخلوا وطالبين مننا التزام الادب

لا ماهو حضراتكوا احنا عيال قللات الادب

Anonymous said...

انا لا استبعد ان يكون كاتب هذا التعليق هو الدكتور نظيف نفسه ... بس السؤال هو لو كان د. نظيف عنده مدونة كان يقول فيها إيه؟

berroo said...

الاستاذ كريم البحيري

اولا انا مش عايزك تفهم اني حزب وطني ولا بدافع عن نظيف لأنه مش من بقيت اهلي . بس احب النقاش يكون على قدر من يتكلم
مشكلة المعتقلات دي مشكلتك لانك مافهمتش نظام بلدك سواء بقا كان فاسد ولا صالح .فماتجيش تكلم فيها دكتور نظيف لأن أمن الدولة ده جهاز مستقل عن وزارة الدخلية يخضع لقانون الطوارئ وقانون الطوارئ ده تكلم في الرئيس يرفعوا ان كان هو شايف ان مالوش لازمة
ثانيا التعذيب في الاقسام دي مسئولية الداخلية ماشي. والحكومة بتعمل اللي عليها في حال اثبات وجود اي حالة تعذيب وبيمشوا في الإجراءات النظامية زي الظابط اللي اتوقف واتحاكم بالتحرش الجنسي على المتهم المعروف
فدون ذلك هو اعتداء فردي لا يعبر عن سياسه حكومة

اما بخصوص التعليم الدكتور كلمك بأرقام وتواريخ
عايز ترد عليه بأرقام وتواريخ يبقا تمام
ثم ميزانية البلد مهياش ميزانية دولة متقدمة احنا مديونين

فالله يعين المسؤلين مطلوب منهم يعملوا انجازات بأدوات تالفة

هو قالك انهم بيحاولوا يوازنوا بين الخصخصة والحوكمة عشان مانفقدش جودة التعليم الباهظ ولا يضيع حق من لايقدر على التكاليف

اما بخصوص انه يستقيل فماتقلقش المنصب ده مابيقعدش كتير لصاحبه وانت يا كريم لو مسكت وكيل وزارة ابقا قابلني لو قدمت استقالتك

وفق الله دكتور نظيف وادام له منصبه ان كان كفئا له وابدلنا خيرا منه لو كان مقصرا ويغفر له ان كان من الصالحين

هكذا يكون الحوار لأننا في النهاية هناك
أمور عدة غائبة عن مدركاتنا

كريم البحيرى said...

dear berroo
اولا شكرا على تعليقك بس خلينى ااقولك شىء اولا مشكلة المعتقلات مش مشكلتى دى مشكلة كل مواطن مصرى ولو كان اخوك او ابنك او اختك اللى مرمية فى المعتقل كان بيتهيألى كنت عرفت ماذا تعنى كلمة معتقل
اما بخصوص التعذيب فصدقنى كلام الانشى حول ان جهاز امن الدولة منفصل عن الداخلية ومنفصل عن الحكومة فهو غير صحيح لان جهاز امن الدولة والداخلية والحكومة هى منظومة لخدمة النظام الرأسمالى المتوحش التى تعيش فيه مصر لصالح قلة من رجال الاعمال
اما بخصوص التعذيب فصدقنى من يتم محاكمتهم هم من يلقوا ضغط اعلامى فلا تجد الحكومة بدا من محاسبتهم ولكن الحكومة تعلم كل شىء يحدث داخل اروقة امن الدولة وبقرارات منها واكبر دليل على ذلك ان الداخلية عندما اصدرت قرار باعتقالى انا وزملائى لم تفرج عنا الا بعد تدخل ضباط امن الدولة والذى هددونا فى حالة العودة للعمل العام انهم سيتم اعتقالنا مدى الحياة
اما بخصوص التعليم سيدى الفاضل فصحيح ان الدكتور نظيف تحدث بالارقام الا انى تحدثت بارقام اخرى مرئية للعالم كلة وهى ارقام الواقع وليس كلام الانشى المحفوظ والارقام المغلوطة فياسيدى الفاضل اذهب الى المدارس الحكومية وستعلم المأساة التى يعيشها الطلاب بسبب التكدس وعدم جودة التعليم المصرى الحكومى الذى يحتاج بعده الشاب الى علاج نفسى للتخلص من اثاره
اما بخصوص طلبى باستقالة فى حالة فشلة فى ادارة الازمات فهذا يحدث فى اى دولة محترمة فور وجود ازمة ولا تستطيع الحكومة حلها تتقدم باستقالتها ونحن نملك مئات الازمات التى جعلتنا فيها الحكومة طعاما للكبار الحيتان المتوحشة
اما سيدى الفاضل بخصوص لما نعوز حاجة سيادية بقا نبقى نطلبها من الرئيس مبارك زى موضوع امن الدولة دا فخلينى ااقولك اننا مش بنقدر نشوف مبارك ولما فكرت اشوفة وهو فى المحلة فى زيارة كنت هنضرب بالنار والراجل اللى حاول يشوفة من كام سنة واتقتل خير دليل ان اللى بيقرب منه بيحصلة ايه عارف هتقولى ابعتلة رسالة او فاكس هقولك حاولت ابعتله رسالة فحواها الافراج عن معتقلى الرأى واطلاق سراح مصر ولكن اميل سيادته رفض يستقبل الرسالة وممكن حضرتك ابقى اجبيلك اميل الرئيس وتبقى تجرب طب لية مبتعتش فاكس لان دا عامل زى اللى داخل فى مغارة تكتشف فى النهاية ان الفاكس بتاعك فى المرحاض طب لية متكلمتش فى التليفون علشان مفيش تليفون اعرفة ولو حتى وصلت بردة مش هقدر اكلمة اخيرا الدكتور نظيف معنا وهو رئيس الوزراء فانا شفتها فرصة انه يوصل صوتنا لرئيسنا ويقولة ان الشعب المصرى مش عايزك ياريس ياريت تتقدم باستقالتك انت والحكومة وتتركوا الحكم للشعب لانه من يستحق ان يحكم نفسه
شكرا مرة اخرى على تعليقك ومتخفش مش هتفكر انك بتدافع عن نظيف او الحزب الوطنى

berroo said...

أقدر يا كريم معاناتك واحساسك بغيرك وخطابك على لسان غيرك فهو شئ جميل
لكن تقول ن الشعب اللي يحكم دي كلمه عايمه قوي طب ماهو نظيف ومبارك نفسه من الشعب مش مستوردين
وكلمة حكم مصر فكرت فيها كتير والموضوع مش سهل زي مانت فاكر
وربما ان ما ادخلك المعتقل هو تطاولك على الحكومة دون مستندات ودون مشاركتك بصفة نظامية في اي حزب سياسي
عبر عن رأيك يا كريم بإسلوب ليس به تجريح وبالمستندات وبالطرق النظامية محدش يقدر يقربلك
انا ليا اصحاب صحفيين بيشتغلوا في قضايا الفساد وبيكشفوها ووصلوا لماكتب الوزرا ومفيش امن دوله ضايقتهم ولا حاجة بالعكس ليه علاقات كويسه مع ظباط في امن الدولة لأنه عارف حقوقه وعارف ايه هي الطرق النظامية اللي يتعامل بيها مع الحكومة وعايز يصلح زيك برده

محمد البري
berrydesign@gmail.com

mashahed said...

العزيز محمد البري:

معلش اعذرني لكن فيه سؤال لابد منه:
انت مصدق نفسك أساساً علشان تقنعنا؟

أنهي أحزاب دي اللي مفروض نمارس من خلالها حريتنا في عرض آراءنا ورؤانا الهادفة للتغيير؟ التجمع؟ الوفد؟الناصري؟ الجبهة؟ الغد؟
هل تعرف ماهي أحوال هذه الأحزاب والتي تعتبر هي الأحزاب المصرية الرسمية اللي بتتكلم في السياسة ... سيبك من الخضر والصباحي والبتنجان المخلل اللي شوفناهم أيام انتخابات الرياسة بيرشحوا نفسهم وينتخبوا مبارك

ياعزيزي كلامك لا علاقة له بواقع هذا البلد المنهوب
مافيش أي انفصال بين أمن الدولة والداخلية
ومافيش أي انفصال بين الداخلية والحكومة ومافيش فرق بين الحكومة ومبارك ...
كله بيكمل بعضه وكله بيخدم على كله وشيلني واشيلك وكده يعني

الحكومة بتاعتنا زي مانت شايف فيها كل "وزير/رجل أعمال" متوظف في مكانه وكأنها عزبته الخاصة يكفي مثلاً أن
محمد منصور وزير النقل هو من أصحاب جنرال موتورز مصر
عوض تاج الدين وزير الصحة هو صاحب أكبر مستشفى استثماري في الشرق الأوسط (دار الفؤاد)...عايز أمثلة تاني واللا كده كفاية
وعلشان يقدروا يكونوا في الأماكن دي لازم الشعب يكون أخرس وأعمى وأطرش فبالتالي كان لازم قانون الطوارئ والتعذيب والمعتقلات وخنق حرية الرأي والصحافة و..و..الخ
باختصار .. الحكومة بتبيع البلد والعائلة بتقبض والداخلية بتديلك على دماغك لو فتحت بقك وابقى سلملي على أزهى عصور المهلبية

الطرق الشرعية والنظامية دي للناس اللي لسه عندها ثقة في النظام اللي بيحكمنا -ودول قليليييييييييييييييييين فحت بالمناسبة- انما غالبية الناس خلاص ماعادتش بتاكل من الكلام ده

بص على أعداد الإضرابات والاعتصامات والوقفات الاحتجاجية اللي بتتضاعف خلال السنين القليلةاللي فاتت دي ... وشوف مين بيقوم بهذه الفعاليات ...ناس من كل فئات المجتمع من أول القاضي للصحفي للمدرس للفلاح للعامل للموظف ...الخ

هل ده صدفه؟

مستحيل تكون صدفة لأن الناس دي كلها مش هاتعرض أمانها وأكل عيشها للخطر ويتهددوا ويتحولوا للتحقيق ويتفصلوا، الا إذا كان فاض بيهم بعد ماطلعت عينيهم سنين طويلة في مخاطبات والتماسات وتظلمات وطلبات و قضايا في المحاكم،... وحتى لما بيصدر حكم في صالح اللي رافع القضية فالجهة التنفيذية بترفض التنفيذ، وابقى قابلني لو عرفت تاخد منهم حق ولا باطل

أنا هاقوللك جملة قالهالي سواق تاكسي ماعاهوش اعدادية لكن لخص فيها حالنا أحسن من أجعصها مثقف أكاديمي ... الراجل قال
"ياباشا احنا بتحكمناعصابة ... متسلحة،ومترخصة"

عايز اسألك سؤال أخير .... انت شايف ايه الحل؟

berroo said...

اه نسيت اقول الحل
سواء بقا في الحكومة دي ولا غيرها مش فارقه معايا
لأنهم افراد بيتغيروا مش أكتر لكن المهم السياسه هي اللي تتغير

عايزين يبيعوا ماشي دي سياسه عالمية جديده ورأس مالية بحتة
اللهم لا اعتراض ولو اني بحب الاشتراكية زي الدستور بتاعنا مابيقول

لكن بيعوا بس حافضوا لللشعب على السلع والمنتجات والمصانع الإستراتيجية التي قد تمثل الأمن القومي مثل الزراعات الأساسية فلا نستغني عنها في مقابل زراعة الفاكهة مثلا لأنها أغلى
و ان يكون مصانع الحديد في يد الحكومة والاسمنت وباقي السلع الأساسية
ولو ماعندناش موارد لإنشاء المصانع دي
ندخال مستثمرين منفاسين للتحكم في السوق زي ماعملنا في شركات الاتصالات ما شاء الله عندنا ثلاث شركات محمول اتنين منهم شركات اجنبية

نفسي بس وبحلم يتعمل مجموعة مصانع حكوميه جنبا الى جمب مع الخصخه
بس المهم الرقابه عليها وعدم تفشي الفساد اليها

وعشان نوفر لينا موارد مادية ونوظف بعض شبابنا برواتب محترمة
توفر لهم حياة كريمة
بس يارب يعينوا الكفاءات مش اللي ليهم كوسه

وشكرا ووفقنا الله ووفق كل مصري محب ومخلص لبلدة