Friday, October 5, 2007

امن الدولة تختطف طالب من الاخوان فى جامعة القاهرة



فى يوم الثلاثاء الماضى تم اختطاف طالب من طلاب الاخوان المسلمين فى جامعة القاهرة من كلية تجارة الفرقة الرابعة


الطالب (على بركات) وذلك اثناء دخولة هو وبعض زملائة من باب الجامعة وهم يحملون شرائط ووسديهيات دينية . ففى الصباح تم الهجوم علية هو وزملائى وهم يترجلون من التاكسى واعتدت القوم الامنية المشكلة من حرس الجامعة وامناء شرطة من امن الدولة ومخبرين من قسم الجيزة على الطلاب بالضرب والجرح حتى استخدموا كعوب المسدسات فى ضرب الطلبة حتى اغمى على الطالب على وتم تقييدة واجبار السائق التوجة بهم الى مديرية امن الجيزة ، وتم مطاردة الطلاب الباقيين من باب تجارة الى باب دار علوم . وعندما علم الطلاب ما حدث لزميلهم نظموا اعتصاما مفتوحا حتى يتم استرجاع زميلهم وانضم للاعتصام الطلاب الاشتراكيين متضامنين مع زملائهم من اجل الافراج عن الطالب المختطف و ورغم حرارة الشمس بعد الظهر ورغم الصيام استمر الطلبة فى وقفتهم مستعدين حتى للفطار فى مكانهم واستمرارهم لليوم التاالى وامام قوة الطلاب التى اظهروها تساقط اكثر من جندى من الامن المركزى مغشيا علية من الحر والصيام وحتى لقد عرض الطلاب مساعدتهم مؤكدين ان الازمة ليست بينهم وبين جنود الامن المركزى البسطاء ولكن مع قياداتهم وفى حوالى الساعة الرابعة جائت انباء عن رجوع الطالب الى مكتب رئيس الجامعة ولكن الطلاب ابوا ان يفضوا اعتصامهم الا بخروج على اليهم امام الباب الرئيسى للجامعة حيث مكان الاعتصام . وبالفعل خرج على اليهم كما اراد زملائة واحتفلوا بخروجة وبانتصارهم على استبداد الدولة البوليسية ومن الجدير بالذكر ان الطلاب امسكوا عدد من المخبرين الذين حاول الامن دسهم وبين الطلبة وتم اخذ الموبايلات التى صور بها المخبرين الشباب و وتسليمها اليهم بعد مسح الصور .


وصرح الطالب محمود قطب المتحدث الرسمى باسم طلاب الاخوان المسلمين فى الجامعة ان اختطاف على ليس بالعمل الذى يرهب هؤلاء الطاب وان كل طلاب الاخوان و على بركات لن يتخوا عن ما يؤمنون به وانه صامدون حتى النهاية ولن نكل ولن نمل من ممارسة انشطتنا حتى وان اعتقلوا منا كل يوم واحد .

9 comments:

Coca said...

انا عرفت الموضوع دا من كام يوم في مدونه اليعقوبي
بس مكنتش اعرف انهم اخدوا طالب وان الطلبه عملوا اعتصام
وعرفت الطلبه من جماعه الاخوان كانوا داخلين بكتب مرخصه من الازهر ومفيش مشكله فيها يبقي ليه اللي حصل دا
هي بقت بلطجه فعلا

Anonymous said...

أخي العزيز
هذا هو النظام , بجبروته , وهذه هي الداخلية التى تقف في وجه كل الشعب , لحماية شخص واحد , مجموعة من البلطجية يحمون شخص واحد
حسبي الله ونعم الوكيل
حمادة زيدان

Monzer said...

مش ينهدو شوة فى رمضان
لا بجد رجالة بتوعالقاهرة
وخصوصا اللمحةالامنية انهم يكشفوا مخبرين وسطهم
احنا سايبين رجالة فى جامعة القاهرة يا درش
تحياتى يا معلم

Anonymous said...

انا كنت سمعت ان فى طلبه اشتراكيين اتحجزوا فى مكتب حرس الجامعه وده فى حين ان الطلبه الاخوان بجامعه القاهره قدموا جواب معايده لرئيس الجامعه واصفين اياه بالاب فكنت اتمنى تلقى ولو بعض الضوء على الطلبه الاشتراكيين وعملهم

Unknown said...

دي بلطجة دوله مش امن دوله
و عيب اوي ان ده يحصل مع طلبه محترمين من الي المفروض يكون بيحمي الشعب و البلد

Anonymous said...

واضح إن الأمن السنة ده شادد حيله فعلاً، ووضاح إن ده هيكون على الكل، يمكن يكونوا مركزين شوية على الإخوان لكن كل التيارات التانية هتكون في مرمي النيران، أتوقع مذبحة جديدة من شطب و فصل أثناء انتخابات اتحاد الطلبة القادمة.

مصطفي محي

islam said...

مصطفى محمود
السلام عليكم ورحمة الله وبركاته

يصفتك عضو فى مدونة العالم المتحد
والتى يشرفنى أن أكون وسيط عن الشرق الأوسط فيها
أدعوكى للمشاركة معنا فى
تدوينة السلام

وهى عبارة عن تدوينة واحدة يكتبها كل المدونين المشاركين فى المدونة، تعبيرا منهم عن تصورهم عن السلام
ولكى تصبح بعد ذلك مرجعا وفكرة عامة تجمعنا جميعا

وكل ما هو مطلوب منك ، هو أن تكتبى سطرين يحتويان على تصورك عن السلام ، أو كيفية إحلاله ، أو أسباب عدم تواجده .. أو غير ذلك

المهم أن يضم تصور لك عن السلام
ثم تقومى بإرسالهم على الميل الخاص برئيس الإتحاد
شارم
وهو sharm_lover@hotmail.com

مع اسمك
واسم دولتك
واسم مدونتك

وتحياتى لكى على المشاركة معنا

إسلام
وسيط الشرق الأوسط

السلام عليكم ورحمة الله وبركاته

مصطفى محمود said...

كوكا :

دة شىء متوقع من امن الدولة بس الجديد بقى ان الطلاب رجعوا زميلهم بعد ساعتين بالظبط من خطفة .


حمادة زيدان :

اهلا بيك وشكرا على مرورك

منذر:

عيب عليك يبنى طلعناهم من وسط الهيصة دى يا راجل دة مفيش اغبى منهم .


حودة :


بص يا حودة الاخوان شغالين والاشتراكيين شغالين وكل واحد لية حساباتة بس الاكيد ان الكل ضد تدخل امن الدولة فى الجامعة .

ايمى :


والله يا ايمى هو المفروض انة بيحمى النظام مش حد تانى


محى :

هو واضح فعلا ان السنة دى هتولع لان اللايحة الجديدة نازلة وفصل الطلاب السياسين شغال زى الفل علشان كدة لازم كل طلاب التيارات السياسية يبقوا ايد واحدة .

اسلام :

حاضر وان شاء الله هبقى اكتبلك تصورى ......بس مش فام اية حضرتك صيغة التأنيث اللى بتكلمنى بيها دى ؟!!!!

kareem azmy said...

مش عارف اقول ايه
كل لما اقرا خبر زي كده بحس بغضب و حزن

و بدعي ربنا يحمي الشباب ده و يحميك يا مصطفي

كريم