منذ الساعة الثامنة صباح يوم السبت الماضى بدأت انتخابات نقابة الصحفيين لتتواصل حتى الساعة 5 مساء .ورغم ان عدد الناخبين هذا العام كان اقل عن الانتخابات الماضية الا ان عدد المرشحين قد زاد فقد ترشح لمنصب نقيب الصحفيين 5 اشهرهم مكرم محمد احمد ورجائى الميرغنى، وتقدم 79 صحفى للمنافسة على 12 منصب هم عدد مقاعد مجلس النقابة ولقد شهدت الشوارع المؤدية للنقابة كثافة دعائية للمرشحين
لافتات الدعاية كانت تغطى مساحات واسعة من الاسعاف ونقابة المحامين حتى نقابة الصحفيين
واخر يستأجر فرقة بلدى .......لزوم السييط يعنى
مكرم وسط انصارة يدلى بحديث صحفى ويؤكد على ال200 جنية!!....عالم واصلة
الزحام تسبب فى مضايقة الكثير من الجمهور رغم جو الاحتفال السارى بين الصحفيين .. وفى منتصف النهار قدم بعض المرشحين وجبات ساخنة لمؤيديهم من كافيتريا الاهرام...واحيانا من الباشا..ودى وجبتها عاملة 170 جندى....بالهنا والشفا
رجائى الميرغنى بجانب اخية ضياء الذى حضر لتاييدة
الكثير من الاطفال كانوا مشتركيين فى حملة الدعاية للمرشحين....والفرسان دول كانوا خايفين يتصورا ...كانوا فاكرنى هقبض عليهم !!
طبعا دى صور من اثار المعركة ... وفى تمام الساعة الثامنة اعلن ان مكرم هو نقيبالصحفيين الجديد
من العجيب ان سلم النقابة كان من احدى نقاط النقاش بين المرشحين فبينما تتمسك المعارضة باهمية التظاهر لكل المظلومين على سلم النقابة ،عارض اخريين وعلى راسهم مكرم الذى قال ان المظاهرات تعيق الصحفيين وسوف يخصص يوم الاحد للتظاهر فقط ...يعنى اللى عايز يتظاهر يحجز من دلوقت يا جماعة !
Posts
6 comments:
ابو درش
الحقيقة التغطية جميلة جداً
وما سبتش حاجه حتى الأثار المتبقية من المعركة
فعلاً انت مراسلنا الجرئ في كل الأجواء الساخنة وبتهون علينا لما لما تكون ظروفه صعبه ومايقدرش يتواجد في أي معمعة غلبانة أو متأمعة
تسلم كاميرتك وقلمك النزيه
جميلة فعلآ التغطية دى وربنا يوفقك وتسلم الكاميرا بتاعتك بتخلينا نعيش الحدث كأننا هناك
دائمآ فى هذا النشاط يا مصطفى ودمت بكل خير
تغطية ممتازة بس هى مكنتش انتخابات دة كانت حرب ومعارك بين مرشحين مهم بجد تسلم كاميرتك من اى بوزان ويحفظها ليك لاننا محتاجنها
يحس كل مظلوم ان سلم النقابه هو نصرته وهدفنا الوقوف معه الى اخر الطريق حتى يقتنع انه لا امل الافى الثوره
وتحياتى
أنا حببيت أقول ان الوضع كان عندنا فى اسكندرية ميت تقريباً ما كانش عندنا حد بيوزع ورد ولا فى طبل بلدىاخرهم جابوا غدا للموجودين
على اساس انط نطعم الفم يستحى الصوت
ارابيسك/
ثانكس يا حسن والله الكاميرا بعافية شوية بس برضة شغالين ولا بيهمنا ... شكرا على زياراتك الجميلة ، وحقيقى انت بوستاتك فى منتهى الروعة .
امال رياض/
اهلا اهلا بحضرتك انت فين من زمان ، واسف انى مجيتش يوم المحكمة بس اليوم دة كان ورايا حاجات كتير ورايا واكيد هاجى المرة الجاية .
ملامح مصرية :
شكرا يا جميل وانتى كمان كنتى منورة النقابة كلها .
انجلز :
سلم برضة يا ***** ...يا زميل !
يادى النيلة / هو الاسم كدة! :
طبعا نقابة القاهرة اهم وجذبت حواليها كل الاعلاميين والصحفيين فى اليوم دة ، بس الظاهر ان موضوع الاكل دة سياسة عامى فى اى انتخابات فى بلدنا!
تحياتى
Post a Comment