السنة دى كنت رايح مرسى مطروح كالعادة ولكن للاسف حصلت مشاكل ورحت اسكندرية واخوكم مصيفش فى اسكندرية من قرنين ولا حاجة علشان طبعا ميتها (اللى مش ولا بد) وانا اصلا المصيف بالنسبة ليا هو المية وتقريبا بقعد بتاع 6-7 فى المية كدة
المهم رحنا فى العجمى وبعيد عنكم فى الهانوفيل وهتعرفوا لية بعيد عنكم
اتاريهم السنة دى بيجددوا شبكات الصرف الصحى !! والشوارع غرقانة وحاجة زى الفل لما كنت بركب التكتك او التوناية (عربية هناك اسمها كدة).. كنت بحس انى فى مركبة المية تحتيك وطول مانت قاعد يمين شمال فوق تحت شوية وحل مية ... يعنى ممكن يجيلك دوار بحر فى التوكتك!!
السوزوكى دى هى وسيلة المواصلات الرسمية هناك واسمها (توناية)1
كان فى على الشط ماسورة زى دى مل 50 متر كدة بتصب فى البحر ودى ما بين مياة جوفية او مجارى !! لكن بردة الناس كانت بتنزل فى البحر
المياة تصب فى البحر والناس مستمتعة بالمنظر والله لو مية نار بردة ...اياكش تولع
وسط الوحل والطين والمية والشوارع الضلمة والطرق المتكسرة ...صراع التوكتك والتوناية
بس كانت الذ حاجة فى المصيف ان العجمى كانت فاضية دخلت فيليمن هناك القاعة مكملتش 20 نفر والمطاعم والمحلات والكافيتريات تقريبا فاضية .... والمواصلات مفيهاش زحمة بردة الهدوء جميل
الغروب الجميل
احسن وقت تسمع فية ثومة
دى ضفدعة كانت بتنقط قصاد البيت ...مخافتش من الفلاش شكلها متعودة 
احد اعمالى الفنية
تشاو........ونشوفكم فى الحلقة الجاية .....اوعى تغير المحطة
Posts
21 comments:
حمد الله ع السلامه و ان شاء الله تكون رجعت افضل من الاول و فتره نقاهه حلوة
و بعيدن ياعم مصطفى هو انتا لازم تحط حاجه كده علشان الناس تعملها عليك معارضه .....
ايوة يا سيدى ماله الاسدال و الحجاب فى المصيف ...... ولا هما لازم بالبكينى علشان الحر .
هااااااااى درش :
حلو قوي البوست ده , و خصوصا الصور .. عجبتني قوي اخر صورة و سياتك شايل الشمسية تقولش حليم بقى و دقوا الشماسي ههههههههه
كمان عجبتني صورة صيف و طاعة دي .. عندك حق اسدال ع الشط غريبة قوي
و ايه بقا صورة اخر اعمالك دي ؟؟ هو انت كنت عامل عصير رمل و لا حاجه ؟؟ و لا ايه بالضبط و لا ده فن تشكيكي و لا ايه ؟
بجد بوست عسل قوي
بعيدا عن ريحة المجاري اللى باينه قوي ههههههههههه
تحياتي
كريم عزمي
ابو مفر اح :
خليك فريش احنا فى رحلة هههههههه
الجو بجد كان حر خالص ولولا قعدت البحر كنا فطسنا . وانا مش بقول لازم يلبسوة بكينى بس مالة اللبس العادى يعنى على الشط .
بس فعلا كانت فترة نقاهة .
كريم :
عحبتك الشمسية ..تقريبا هى كانت الحسنة الوحيدة اللى فى المصيف ،
اة يبنى دى عمل تشكيلى المكونات:
الرمل الاصفر مخلوط ب60 % مية مالحة و 40% % مجارى وشاليمو وكوب بلاستيك وبالهنا والشفا .
ولا لازم ابقى وزير ثقافة علشان اخد جوايز يعنى !
يلا منشفكوش فى حاجة وحشة .
انت عاوز تفهمنى
انك يعينى قلبك حن ع الستات الى هاتتعذب من حر الصيف لما تلبس الحجاب والإسدال ههههههههههههه
اطلع من دول يا خفيف قفشتك يا نمس
لكن المايوه هايبقى زي الفل ومش حر خالص
طب حر جهنم هايعمولا فى ايه
هو احنا ناقصين يا عم لينين
مش كفاية ماشيين بالموايهات فى الاشعر يا عموا الحاج
بس كده فى الخباسة من غير ما تقول وتعزم ونيجى معاك
حمد الله ع السلامة
وصور الغروب تحفة
بوست حلو
بس يا عم مجاري ايه بس الي هاتخلي الناس ماتنزلش البحر
ابتسم انت في المحروسه
يعني كلو ماشي
عجبني
جدا
الكأس
المملوء
رمل
تحياتي
بوست جامد جدا وحمد الله على السلامة يامان
انا عايزك تشارك معايا فى حملة منظمها بكرة الجمعة
هتكون بعنوان
الاضطهاد واحد ولكنه مرفوض
عن ما يحدث فى فلسطين والعراق والمعتقلات المصرية واضطهاد المدونيين وسجناء الرأى ياريت تشارك معنا لتفاصيل الموضوع
مدونة احترس انت الان فى مصر
yalhwy.maktoobblog.com
دى مدونتى التانية فى مدونات كتير مشاركة ياريت تشارك معنا وانا عارف انك اكيد يامان هتشارك
اخوك كريم البحيرى
www.egyworkers.blogspot.com مدونة عمال مصر
http://yalhwy.maktoobblog.com
مدونة أحترس أنت الان فى مصر
كل مصيف وانت طيب
طبعا الغلطة موش في البحر
الغلطة غلطتك لأنك ما تعرفش اننا في اسكندرية ما بنقربش على العجمي
العجمي يا مصطفي كانت زماااان
وبالنسبة لموضوع النقاب ولا الحجاب
أنا أقترح أن تكون تقدمي بجد ورفيق بحق وحقيقي
وتسيب كل واحد يلبس اللي يريحه
احنا في عالم حر
ولا إيه
ولا حاتكون برجوازي وتفرض رأيك علينا الضعفاء من البلوريتاريا
دي يا مصطفي البروسترويكا الحقيقية
حرية للجميع
تغيير للجميع
يبدو انك لم تحضر ولا اجتماع لشبيبة الكومسمول
منذر :
خصلا يا عمنا مكانتش كلمة هو اناا يعنى فرضت راى على حد .
كويس ان صور الغروب عجبتك المرة الجاية نبقى نطلع مصيف بلوجرز والله فكرة .
:)
ايمى :
على رايك يا ايمى لو نابالم بردة الناس هتنزل البحر .
سيجارا:
على فكرة اسمك حلو بيفكرنى بايام التدخيييييين ههههههههههه.
سعيد ان الصور عجبتك
اهلا بيكى
كريم البحرينى :
صبح صبح يعم الحج معاك فى الليلة دى وفى الاكبر منها كمان .
كوكا :
وانتى طيبة .... وسنة سعيدة عليكوا يارب
انتصار عبد المنعم :
والله مكنت اعرف يا انتصار بس انا قلت الهانوفيل وكدة اكيد مصيف حلو يلا ادينا بنتعلم .
وحياتك بدون تقدم ولا حاجة كل واحد حر فى لبسة دة كان مجرد تعليق مش اكتر .
بعدين بروليتارتا اية اللى افرض راى عليها ...دى هى الاساس وهتعلم كل الناس ههههههههه. :) :) :)
تحياتى .
واهلا بيكى .
انت قاعد تتكلم عن الحجاب وانت ماسك الشنطه اللى طول عمرها فى ايدك ؟طب خليك القدوه وسيب الشنطه الاول .............وللا اقولك الشنطه فيها ايه؟
فيها فيل
ههههههههه مجاري وضفادع والله مامصدق ان دي اسكندريه انت شكلك ضحكوا عليك وودوك كفر الدوار يادرش
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
ماذا تقول يا رجل
ماكانش تعليق
اندهلك الاخ المجاهد الجيزاوى
اما بلغ الامير الشهيد الحي
نجيلك بفرقة كاراتيه معتبر
ههههههههههه
عيون مصر :
ههههههههه بلاش القومية الاسكندراينية دى
صاحب البوابة :
كل سنة وانت طيب يا معلم
منذر :
كراتية !! دة انت قديم اوى
ههههههههههههههههه
كل سنة وانت طيب يا ريس
رمضان كريم
الي جذبني في البوست ده الصور واللقطات متقنة بشكل هايل
فعلا جميلة...
شكرا يا ميراج
سعيد جدا لمرورك
اتمنى ان تكون استمتعت رفيقي مصطفى، وسأكمل باللهجة المصرية
معرفش ان كنت فاكرني يا استاز محمود
الشيوعي، في منتدى كل الطلبة
اشتقنالك يا رفيق
تحياتي
Post a Comment